کج روی کا اشتہار — کرشن موہن
شاعر
کج روی کا اشتہار
میں تو ہوں شاعر کی روح
شاعر کی خاصیت
ایک خوشبو اک طلسم
اور مرا بیٹا کہ ہے شاعر کا جسم
شاعروں کی خصلتوں کا آئنہ
کج روی کا اشتہار
ہے سمیٹے اپنے اندر عیب کی ہر ایک قسم
ناسمجھ آوارہ و بے کار شیدائے قمار
آشناؤں کا مصاحب کم عیار
ہر زہ گو بادہ گسار
کاش میں ہوتا شرابی اور کبابی اور وہ نیکو شعار
با صفا بے عیب سا میری طرح
لوگ پھر مجھ کو سمجھتے شاعر رنگیں خیال و با کمال
اور مرا بیٹا بھی ہوتا خوش خصال
دل نہ ہوتا پر ملال
Kaj Ravi Ka Ishtehar
Main to hoon shair ki rooh
Shair ki khasiyat
Ek khushboo ek tilism
Aur mira beta ki hai shair ka jism
Shairon ki khislaton ka aaina
Kaj ravi ka ishtehar
Hai samete apne andar aib ki har ek qism
Nasamajh awara-o-bekaar shaida-e-qamar
Ashnaon ka musahib kam ayyar
Harza go bada gusar
Kash main hota sharabi aur kababi aur woh nek-o-sha'ar
Ba-safa be-aib sa meri tarah
Log phir mujhko samajhte shair rangeen khayal-o-ba-kamal
Aur mira beta bhi hota khush khisal
Dil na hota pur malal
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں