کجھوراہو — کرشن موہن
شاعر
کجھوراہو
محبت خواب رنگیں ہے
نشاط اختلاط اب نقش سنگیں ہے
کہ پتھر سے تراشیدہ یہ پستان اور یہ رانیں ہیں آرامیدہ پتھر میں
فریب زندگی معشوق و عاشق کی ہم آغوش
ہے نظر لمس خاموشی
خطوط جسم اور جادو نگاہوں کا
فسون و لطف بانہوں کا
کشش طناز کولھوں کی
لطافت شوخ پھولوں کی
نہیں پتھر نہیں یہ شعلۂ احساس ہے رقصاں
ہوس کی آگ بن کر یہ بدن کا راگ ہے رخشاں
نہیں اب سرد پتھر ہے
شریر آدرش ہے کس کا
ملن کا ہرش ہے کس کا
نہ کوئی مرد نے عورت
ملن ہے شلپ کار اور شلپ میں بس یہ حقیقت ہے
ملن کا ہرش ہے ان کا
Khajuraho
mohabbat khwab-e-rangeen hai
nishaat-e-ikhtilaat ab naqsh-e-sangeen hai
ke patthar se taraasheeda yeh pistaan aur yeh ranen hain aaraamida patthar mein
fareb-e-zindagi mashooq-o-aashiq ki ham-aagosh
hai nazar lams-e-khaamoshi
khutoot-e-jism aur jaadu nigaahon ka
fasoon-o-lutf baanho ka
kashish-e-tanaaz kolhon ki
latafat-e-shokh phoolon ki
nahin patthar nahin yeh shola-e-ehsaas hai raqsaan
hawas ki aag ban kar yeh badan ka raag hai rakhshaan
nahin ab sard patthar hai
shareer adarsh hai kis ka
milan ka harsh hai kis ka
na koi mard ne aurat
milan hai shilp-kaar aur shilp mein bas yeh haqeeqat hai
milan ka harsh hai un ka
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں