کنار آب کی ایک شام — کرشن موہن
شاعر
کنار آب کی ایک شام
شفق کا سونا فضا میں تحلیل ہو رہا ہے
سنہرے پانی کی سلوٹیں رقص کر رہی ہیں
سپہر مغرب کی مرگ آمادہ و غروب آشنا شعاعیں
خموش لہروں سے یوں ہم آغوش ہو رہی ہیں
کہ جیسے خوابوں میں کھو رہی ہیں
شفق کی لہریں فلک کی تابندہ رہ گزاروں کو چومتی ہیں
سحاب پاروں کو چومتی ہیں
سحاب پاروں میں منہ چھپائے ہوئے ستاروں کو چومتی ہیں
جبین آب رواں پہ افشاں چمک رہی ہے
طلسم آگیں فضائے رنگیں
عروس شعلہ بدن کی لرزاں قبائے زریں
قبائے زریں کی کسمساتی گداز لہریں
کہ محو رقص و غنا حسیں لرزشیں بدن کی
عروس فطرت کے ریشمیں پیرہن کا یہ آتشیں تبسم
ضیائے خاموش کے سکوت آشنا ترنم میں گھل رہا ہے
کہ عقدۂ گیسوئے شب تار کھل رہا ہے
بدن چرائے ہوئے سر رہ گزار کوئی جواں حسینہ
صبا خرام و صبا قرینہ
خموش کچھ سوچتی ہوئی خواب گاہ عشرت کو جا رہی ہے
فضائے تاریک چھا رہی ہے
Kinar-e-aab ki ek sham
Shafaq ka sona fiza mein tahlil ho raha hai
Sunahre paani ki silwatein raqs kar rahi hain
Sapehar-e-maghrib ki marg-aamada o ghuroob-aashna shu'aen
Khamosh lehron se yoon hamaghosh ho rahi hain
Ke jaise khwabon mein kho rahi hain
Shafaq ki lehren falak ki tabinda rehguzaron ko choomti hain
Sahab paaron ko choomti hain
Sahab paaron mein munh chhupaye hue sitaron ko choomti hain
Jabeen-e-aab-e-rawan pe afshan chamak rahi hai
Tilism-ageen fiza-e-rangeen
Aroos-e-shola-badan ki larzan qaba-e-zareen
Qaba-e-zareen ki kismisateen gudaz lehren
Ke mahv-e-raqs-o-ghina haseen larzishen badan ki
Aroos-e-fitrat ke reshmeen pairahan ka yeh aatisheen tabassum
Ziya-e-khamosh ke sukoot-aashna tarannum mein ghul raha hai
Ke uqda-e-gesoo-e-shab-e-taar khul raha hai
Badan churaye hue sar-e-rehguzaar koi jawan haseena
Saba kharam o saba qareena
Khamosh kuch sochti hui khwabgah-e-ishrat ko ja rahi hai
Fiza-e-tareek chha rahi hai
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں