مقاومت ہے ترا غرور اور بد کلامی — کرشن موہن
شاعر
مقاومت ہے ترا غرور اور بد کلامی
مقاومت ہے ترا غرور اور بد کلامی
مفاہمت ہے ہماری حجت کی ناتمامی
حروف کوچک میں گرچہ لکھا ہے نام نامی
مگر ہے پھر بھی جریدۂ شاعری گرامی
دروں تو اس کا نشاط خیز و فسوں اثر ہے
مضائقہ کیا اگرچہ ہے سر ورق میں خامی
نئے مضامیں نئے اسالیب سوجھتے کیا
کہ تیری قسمت میں ہے روایات کی غلامی
عجب چلن ہے کہ لوگ بچے کو گالیاں دیں
اگرچہ ہیں والدین بچہ نہیں حرامی
شرارہ پرداز ہے تری برہمی کا عالم
غصیلے ابرو ہیں تیر تیغوں کی بے نیامی
کریں نہ کیوں تیرے حسن پر ناز سبزہ و گل
کہ زینت افروز باغ ہے تیری خوش خرامی
ستم مجھے بات بات پر شعر سوجھتے ہیں
بلائے جاں بن گئی مری قادر الکلامی
یہ مجھ سے نقاد بے خبر پوچھتا ہے اکثر
نہیں ہے کیوں میری شاعری میں غم عوامی
ازل ابد پر محیط ہوں میں بسیط ہوں میں
وجود میرا نہ ابتدائی نہ اختتامی
کوئی نہ سمجھے کوئی نہ جانے ترے فسانے
عجب یہ مایا عجب یہ سنسار ہے سوامی
ہمیشہ رکھتی ہے دل کو بیتاب کرشن موہنؔ
عجیب احساس ہے مری حیرت دوامی
Muqawamat hai tera ghuroor aur bad-kalaami
Muqawamat hai tera ghuroor aur bad-kalaami
Mufahamat hai humari hujjat ki na-tamami
Huroof-e-koochek mein garche likha hai naam-e-nami
Magar hai phir bhi jareeda-e-shayari garami
Daroon to iska nishat-khez o fasoon-asar hai
Mazaeqa kya agarche hai sar o waraq mein khaami
Naye mazameen naye asalib soojhte kya
Ke teri qismat mein hai riwayat ki ghulami
Ajab chalan hai ke log bacche ko gaaliyan dein
Agarche hain walidain baccha nahin harami
Sharara pardaz hai teri barhami ka aalam
Ghuseeli abroo hain teer-e-teghon ki be-niyami
Karein na kyun tere husn par naaz sabza o gul
Ke zeenat afroz-e-bagh hai teri khush-kharami
Sitam mujhe baat baat par sher soojhte hain
Bala-e-jaan ban gayi meri qadir-ul-kalaami
Ye mujh se naqqad be-khabar poochhta hai aksar
Nahin hai kyun meri shayari mein gham-e-awami
Azal abad par muheet hoon main baseet hoon main
Wajood mera na ibtidai na ikhtitami
Koi na samjhe koi na jaane tere fasane
Ajab ye maya ajab ye sansaar hai swami
Hamesha rakhti hai dil ko betaab Krishn Mohan
Ajeeb ehsaas hai meri hairat-e-dawami
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں