نالۂ صبح کے بغیر گریۂ شام کے بغیر — کرشن موہن
شاعر
نالۂ صبح کے بغیر گریۂ شام کے بغیر
نالۂ صبح کے بغیر گریۂ شام کے بغیر
ہوتا نہیں وصال یار سوز دوام کے بغیر
تو نے اگر کیا نہ یاد شق رہے گا نامراد
کیسے کٹے گی زندگی تیرے پیام کے بغیر
ہے یہ مرا ہی حوصلہ کرتا ہوں روز سامنا
گردش صبح و شام کا گردش جام کے بغیر
عرصہ ہوا وہ فتنہ گر آیا نہیں کبھی ادھر
سونی پڑی ہے رہگزر حسن خرام کے بغیر
کیف نشاط دم بدم چومتا ہے مرے قدم
چلتا نہیں ہوں ایک گام آپ کے نام کے بغیر
جب بھی ملے وہ ناگہاں جھوم اٹھے ہیں قلب و جاں
ملنے میں لطف ہے اگر ملنا ہو کام کے بغیر
میرے جنوں کے فیض سے گرمی شوق آ گئی
سرد تھی محفل طرب میرے کلام کے بغیر
Nālah sub'h ke baghair giryah shām ke baghair
Nālah sub'h ke baghair giryah shām ke baghair
Hotā nahīñ visāl-e-yār soz-e-davām ke baghair
Tū ne agar kiyā na yaad shaq rahegā nāmurād
Kaise kaṭegī zindagī tere payām ke baghair
Hai yeh mirā hī hausla kartā hooñ roz sāmnā
Gardish-e-sub'h-o-shām kā gardish-e-jām ke baghair
Arsah huā vo fitnah-gar āyā nahīñ kabhī idhar
Soonī paṛī hai rahguzar husn-e-kharām ke baghair
Kaif-e-nashāṭ dam ba dam choomtā hai mire qadam
Chaltā nahīñ hooñ ek gām āp ke nām ke baghair
Jab bhī mile vo nāgahāñ jhoom uṭhe haiñ qalb-o-jāñ
Milne meñ lutf hai agar milnā ho kām ke baghair
Mere junūñ ke faiz se garmi-e-shauq ā ga'ī
Sard thī mahfil-e-tarab mere kalām ke baghair
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں