نیند کی گولیاں کھا کے سوتا ہے وہ — کرشن موہن
شاعر
نیند کی گولیاں کھا کے سوتا ہے وہ
نیند کی گولیاں کھا کے سوتا ہے وہ
رات بھر کتنا مدہوش ہوتا ہے وہ
رونے والوں پہ ہنسنا تھا اس کا چلن
آج کیوں ہنسنے والوں پہ روتا ہے وہ
اپنے عصیاں کے داغوں کو شام و سحر
اشک ہائے ندامت سے دھوتا ہے وہ
واہموں وسوسوں میں الجھ کر عبث
جان کھوتا ہے دل کو ڈبوتا ہے وہ
میری آفات میں اپنی ہر بات میں
طنز و طعنہ کے نشتر چبھوتا ہے وہ
جھوٹ بھی اس کا معلوم ہوتا ہے سچ
داستاں میں حقیقت سموتا ہے وہ
کیوں نہ پائے مراد اپنی مرد عمل
کشت امید میں عزم بوتا ہے وہ
محفلوں کا تمنائی ہے آدمی
اپنے جسم جواں کو سنجوتا ہے وہ
کرشن موہنؔ کے اذکار کی بات کیا
شعر کہتا ہے موتی پروتا ہے وہ
Nīnd kī goliyāñ khā ke sotā hai vo
Nīnd kī goliyāñ khā ke sotā hai vo
Rāt bhar kitnā mad'hosh hotā hai vo
Rone vāloñ pe hañsnā thā us kā chalan
Āj kyūñ hañsne vāloñ pe rotā hai vo
Apne asiyāñ ke dāghoñ ko shām-o-sahar
Ashk-hā-e-nadāmat se dhotā hai vo
Vāhamoñ vasvasoñ meñ ulajh kar abas
Jān khotā hai dil ko ḍubotā hai vo
Merī āfāt meñ apnī har bāt meñ
Tanz-o-tā'nah ke nishtar chubhotā hai vo
Jhūṭh bhī us kā ma'lūm hotā hai sach
Dāstāñ meñ haqīqat samotā hai vo
Kyūñ na pāye murād apnī mard-e-amal
Kishte-e-ummeed meñ azm botā hai vo
Mahfiloñ kā tamannā'ī hai ādmī
Apne jism-e-javāñ ko sañjota hai vo
Krishan Mohan ke azkār kī bāt kyā
She'r kahtā hai motī prota hai vo
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں