نقطوں کی کشمکش — کرشن موہن
شاعر
نقطوں کی کشمکش
قافیوں سے کوئی چھٹکارا دلائے
بن گئی تکلیف جاں مجھ کو ردیف
بحر ہے ہر وقت دل میں موجزن
(قافیے کی آزمائش سے گزر
قافیہ پیما نہ بن
قافیے نے آ دبوچا قافیہ پیما نہ ہو)
کھردرے پن کو ترستی ہے زباں
کیوں منجھی ہیں اس قدر نظمیں مری
کیوں سجی ہے اس قدر میری غزل
(قافیے کو روک پھر آنے لگا)
ذہن ہے مجنون آداب سخن
دل پرانے رس کا رسیا ہے ابھی
نکہت ماضی کا بسیا ہے ابھی
(قافیہ پھر آ گیا مجبور ہوں
قافیے کو روک پھر آنے لگا)
سوچتا ہوں بحر کی موجوں میں جکڑا ہوں ابھی
قافیہ تو خیر کافی رک گیا
بحر تو ٹوٹی نہیں
بحر اک بحر بسیط
بحر اک دیو تنومند و محیط
اس قدر جدت سے کیوں ہے کد مجھے
ذہن و دل ہیں کیوں روایت کے اسیر
Nuqton Ki Kashmakash
Qafiyon se koi chhutkara dilaye
Ban gai takleef-e-jaan mujhko radeef
Bahar hai har waqt dil mein maujzan
(Qafiye ki aazmaish se guzar
Qafiya paima na ban
Qafiye ne aa daboocha qafiya paima na ho)
Khurdure pan ko tarasti hai zabaan
Kyun manjhi hain is qadar nazmein meri
Kyun saji hai is qadar meri ghazal
(Qafiye ko rok phir aane laga)
Zehan hai majnoon aadab-e-sukhan
Dil purane ras ka rasiya hai abhi
Nukhat maazi ka basiya hai abhi
(Qafiya phir aa gaya majboor hoon
Qafiye ko rok phir aane laga)
Sochta hoon bahar ki maujon mein jakda hoon abhi
Qafiya to khair kaafi ruk gaya
Bahar to tooti nahin
Bahar ek bahar-e-baseet
Bahar ek deo tanumand-o-muheet
Is qadar jiddat se kyun hai kud mujhe
Zehan-o-dil hain kyun riwayat ke aseer
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں