سڑک — کرشن موہن
شاعر
سڑک
سڑک بے دھڑک ہم سفر ہے
چلی جا رہی ہے کہ بس منزل شوق حد نظر ہے
کئی ہم سفر رہ گئے راستے میں
مگر یہ رواں ہے ہمیشہ
شجر شہر ندی مسافر
ہر اک سے اسے پیار سا ہے
ملن کہ کئی حسرتیں اپنے اندر سمیٹے
کڑے فاصلوں کی مسافت لپیٹے
یونہی لیٹے لیٹے
چلی جا رہی ہے
سجھاتی ہوئی ہم سفر کو
جہاں بھی تو اک رہ گزر ہے
سڑک بے دھڑک ہم سفر ہے
Sadak
Sadak be-dhadak humsafar hai
Chali ja rahi hai ki bas manzil-e-shauq had-e-nazar hai
Kai humsafar rah gaye raste mein
Magar yeh rawaan hai hamesha
Shajar shahar nadi musafir
Har ek se use pyar sa hai
Milan ki kai hasratein apne andar samete
Kade faslon ki musafat lapete
Yunhi lete lete
Chali ja rahi hai
Sujhati hui humsafar ko
Jahan bhi tu ek rahguzar hai
Sadak be-dhadak humsafar hai
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں