سمے کہاں تھا کہ ہم تیری آرزو کرتے — کرشن موہن
شاعر
سمے کہاں تھا کہ ہم تیری آرزو کرتے
سمے کہاں تھا کہ ہم تیری آرزو کرتے
حیات بیت گئی اپنی جستجو کرتے
تلاش یار طرحدار کو بکو کرتے
ترس گیا ہوں تمنائے رنگ و بو کرتے
جمال دیکھ کے تیرا عرق عرق ہوتا
اگر تجھے کبھی ہم گل کے روبرو کرتے
یہ اور بات کہ میں سرفراز ہو نہ سکا
تمام عمر کٹی کوشش نمو کرتے
تمہارے دل کے بھرم اور بھید کھل نہ سکے
کبھی تو ہم سے بھی تم کھل کے گفتگو کرتے
اگر یہ جانتے ہم تیرا دل نہ پگھلے گا
تری تلاش میں کیوں اپنا دل لہو کرتے
بہ فیض ہوش اگر اپنا غم غلط ہوتا
کبھی نہ آرزوئے ساغر و سبو کرتے
پنپ نہ پائے روایت پرست سوکھ گئے
قدیم رنگ کی تقلید ہو بہو کرتے
دعائے مغفرت دل قبول ہو جاتی
جو اشک ہائے ندامت سے ہم وضو کرتے
ادائے ناز سے کومل بدن کی خوشبو سے
مجھے جو آپ سرافراز سرخ رو کرتے
ہمیں عروج و فراز جنوں کہاں ملتا
اگر نہ عشق میں نیلام آبرو کرتے
ہوس ہماری محبت سے بھی ابھر آئی
کہاں تک اپنی کثافت کی شست و شو کرتے
برنگ میرؔ چمک اٹھتے کرشن موہنؔ ہم
جو صرف خون غزل میں کبھو کبھو کرتے
Samay kahan tha ke hum teri aarzoo karte
Samay kahan tha ke hum teri aarzoo karte
Hayaat beet gayi apni justaju karte
Talaash-e-yaar tarah-daar ko ba-koo ba-koo karte
Taras gaya hoon tamanna-e-rang o boo karte
Jamal dekh ke tera araq araq hota
Agar tujhe kabhi hum gul ke rubaru karte
Ye aur baat ke main sarfaraz ho na saka
Tamaam umr kati koshish-e-namo karte
Tumhare dil ke bharam aur bhed khul na sake
Kabhi to hum se bhi tum khul ke guftugu karte
Agar ye jaante hum tera dil na pighlega
Teri talaash mein kyun apna dil lahoo karte
Ba-faiz-e-hosh agar apna gham ghalat hota
Kabhi na aarzoo-e-saaghar o suboo karte
Panap na paaye riwayat parast sookh gaye
Qadeem rang ki taqleed hoo-ba-hoo karte
Dua-e-maghfirat dil qabool ho jaati
Jo ashk-haye-nadamat se hum wuzu karte
Adaa-e-naaz se komal badan ki khushboo se
Mujhe jo aap sarfaraz surkh-roo karte
Humein urooj o faraz-e-junoo kahan milta
Agar na ishq mein neelam-e-aabroo karte
Hawas humari mohabbat se bhi ubhar aayi
Kahan tak apni kasafat ki shust o shoo karte
Ba-rang-e-Mir chamak uthte Krishn Mohan hum
Jo sirf khoon-e-ghazal mein kabhoo kabhoo karte
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں