سنبھلیں تو مچلتے رہتے ہیں — کرشن موہن
شاعر
سنبھلیں تو مچلتے رہتے ہیں
سنبھلیں تو مچلتے رہتے ہیں
مچلیں تو سنبھلتے رہتے ہیں
ہم لوگ کٹھن راہوں پر بھی
ہنستے ہوئے چلتے رہتے ہیں
اس کیف و رنگ کی دنیا میں
ارمان مچلتے رہتے ہیں
نس دن اپنے من نینن میں
کچھ سپنے پلتے رہتے ہیں
یہ ہستی ہے ہر روز نئی
ہم آنکھیں ملتے رہتے ہیں
یہ سچ ہے اپنے ذہن و دل
مچلیں تو بہلتے رہتے ہیں
ہم شمع کی صورت راتوں کو
بے خواب پگھلتے رہتے ہیں
سینے میں آشاؤں کے دیے
ہر رنگ میں جلتے رہتے ہیں
جو ہر دم رنج و راحت کے
سانچوں میں ڈھلتے رہتے ہیں
ہر رنگ ہمیں راس آتا ہے
یوں پھولتے پھلتے رہتے ہیں
رنگوں کا لطف اٹھانے کو
ہم رنگ بدلتے رہتے ہیں
پتھرائی ہوئی آنکھوں سے کیوں
فوارے ابلتے رہتے ہیں
حیراں ہوں سرد احساس سے بھی
کیوں شعلے نکلتے رہتے ہیں
میرے لیے شیتل بادل بھی
اک آگ اگلتے رہتے ہیں
کیوں وقت کی لو سنولانے کو
ہم لوگ مچلتے رہتے ہیں
ہم تو لمحوں کے پتنگوں کو
دن رات مسلتے رہتے ہیں
ہم کرشن موہنؔ مستی میں
ہر آن مچلتے رہتے ہیں
Sambhalein to machalte rehte hain
Sambhalein to machalte rehte hain
Machlein to sambhalte rehte hain
Hum log kathin raahon par bhi
Hanste hue chalte rehte hain
Is kaif o rang ki duniya mein
Armaan machalte rehte hain
Nis din apne man nainan mein
Kuchh sapne palte rehte hain
Ye hasti hai har roz nayi
Hum aankhein malte rehte hain
Ye sach hai apne zehn o dil
Machlein to behalte rehte hain
Hum shama ki soorat raaton ko
Be-khwab pighalte rehte hain
Seene mein aashaon ke diye
Har rang mein jalte rehte hain
Jo har dam ranj o rahat ke
Saanchon mein dhalte rehte hain
Har rang humein raas aata hai
Yun phoolte phalte rehte hain
Rangoñ ka lutf uthane ko
Hum rang badalte rehte hain
Pathrai hui aankhon se kyun
Fawware ubalte rehte hain
Hairan hoon sard ehsaas se bhi
Kyun shole nikalte rehte hain
Mere liye sheetal baadal bhi
Ek aag ugalte rehte hain
Kyun waqt ki lau sanwaalane ko
Hum log machalte rehte hain
Hum to lamhon ke patangoñ ko
Din raat masalte rehte hain
Hum Krishn Mohan masti mein
Har aan machalte rehte hain
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں