سرد عورت سے ملن کا سادھن — کرشن موہن
شاعر
سرد عورت سے ملن کا سادھن
سرد عورت سے ملن کا سادھن
اپنا اپمان ہے کرشنا موہنؔ
روپ مطلع کو دیا مقطع کا
کتنی معکوس ہے یہ طرز سخن
اس کا سب زہر پیا ہے میں نے
میرا چنتن کہ ہے امرت منتھن
پھول چننے کے لیے نکلے تھے
خار ہی پائے ہیں گلشن گلشن
دوستی اپنی ہے رنج و غم سے
اور خوشیوں سے رہی ہے ان بن
دل کو سلگاتا رہا ہے برسوں
میرے اشکوں کا سلگتا ساون
گو نظر آتا ہے چہرہ بے داغ
سچ نہیں بولتا دھندلا درپن
میرے افکار میں کچھ سنبھلا ہے
آرزؤں کا مچلتا جوبن
سوچتا من ہے چتا چنتا کی
ہو گیا ایک مرن اب جیون
من کی شکتی ہے سپیرن جس سے
کھیلتی رہتی ہے چنتا سانپن
Sard aurat se milan ka sadhan
Sard aurat se milan ka sadhan
Apna apmaan hai Krishna Mohan
Roop-e-matla' ko diya maqta' ka
Kitni ma'koos hai yeh tarz-e-sukhan
Is ka sab zehar piya hai main ne
Mera chintan ke hai amrit manthan
Phool chunne ke liye nikle the
Khaar hi paaye hain gulshan gulshan
Dosti apni hai ranj-o-gham se
Aur khushiyon se rahi hai anban
Dil ko sulgata raha hai barson
Mere ashkon ka sulagta saawan
Go nazar aata hai chehra be-daagh
Sach nahin bolta dhundla darpan
Mere afkaar mein kuch sambhla hai
Aarzuon ka machalta joban
Sochta man hai chita chinta ki
Ho gaya ek maran ab jeevan
Man ki shakti hai saperan jis se
Khelati rehti hai chinta saanpan
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں