تخلیق — کرشن موہن
شاعر
تخلیق
رات زلفوں کی دل آویز شمیم
صحبت شوق کو گرماتی رہی
شاہد شوخ کا پیکر تھا خیال
گرم اعضا کا گداز
لذت غمزہ و ناز
چھڑ گئے ساز کے تار
یوں مچلتی تھیں امنگیں میری
جیسے گردوں پہ ستارے چمکیں
خالق زیست کو اک شرم سی محسوس ہوئی
اک نئے کرب تمنا کا سہارا لے کر
خواب راحت سے اٹھا
اور آمادۂ پیکار ہوا
دشت پیکار میں بڑھتا ہی گیا
بڑھ کے اک چشمۂ سیمیں نے قدم چوم لیے
نور سیال سے مانوس فضا
دل بے تاب کو راس آنے لگی
جسم آسودہ ہوا
عرش پر ایک ستارہ ٹوٹا
اک نئی زیست کی تخلیق ہوئی
Takhleeq
raat zulfon ki dil-awez shamim
sohbat-e-shauq ko garmaati rahi
shaahid-e-shokh ka paikar tha khayal
garm aaza ka gudaaz
lazzat-e-ghamza-o-naaz
chhid gaye saaz ke taar
yun machalti thin umangen meri
jaise gardoon pe sitare chamken
khaliq-e-zeest ko ek sharm si mehsoos hui
ek naye karb-e-tamanna ka sahara le kar
khwab-e-raahat se utha
aur amada-e-paikaar hua
dasht-e-paikaar mein badhta hi gaya
badh ke ek chashma-e-seemeen ne qadam choom liye
noor-e-sayyal se maanoos fiza
dil-e-betaab ko raas aane lagi
jism aasooda hua
arsh par ek sitara toota
ek nayi zeest ki takhleeq hui
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں