عمر بڑھتی جا رہی ہے زیست گھٹتی جائے ہے — کرشن موہن
شاعر
عمر بڑھتی جا رہی ہے زیست گھٹتی جائے ہے
عمر بڑھتی جا رہی ہے زیست گھٹتی جائے ہے
جسم کی خوشبو کی خواہش دور ہٹتی جائے ہے
سوچ میں بھی اب نہیں پہلا سا تیور اور لوچ
شوق کی دیوار گرد غم سے اٹھتی جائے ہے
بے مزہ ہونے لگی ہے زندگی بعد شباب
رات ابھی باقی ہے لیکن نیند اچٹتی جائے ہے
آ رہی ہے سکھ ملن کی چمپئی اجلی سحر
دکھ کی یہ بے چین اندھیری رین کٹتی جائے ہے
یاس کے حساس لمحوں میں بھی ہے کتنا سرور
شاہدہ امید کی مجھ سے لپٹتی جائے ہے
کام کی افراط میں دفتر کے ہنگاموں میں بھی
تیری یاد آئے توجہ میری بٹتی جائے ہے
ہے بدن چور اور کومل کس قدر چت چور شام
جیسے شرمیلی دلہن خود میں سمٹتی جائے ہے
ہے وہ چنچل کامنی محبوب سارے شہر کو
دیکھ کر جس کو نظر میری پلٹتی جائے ہے
باب حسرت داستان شوق تصویر امید
لمحہ لمحہ زندگی اوراق الٹتی جائے ہے
جاگ اٹھی ہے جیو جیوتی آس اور وشواس کی
کرشن موہنؔ کالما دبدھا کی چھٹتی جائے ہے
Umar baṛhti jā rahī hai zeest ghaṭtī jae hai
Umar baṛhti jā rahī hai zeest ghaṭtī jae hai
Jism kī khushboo kī khwahish door haṭtī jae hai
Soch meñ bhī ab nahīñ pehlā sā tevar aur loch
Shauq kī dīvār gard-e-gham se uṭhtī jae hai
Be mazah hone lagī hai zindagī ba'd-e-shabāb
Rāt abhī bāqī hai lekin neend uchaṭtī jae hai
Aa rahī hai sukh milan kī champī ujlī sahar
Dukh kī yeh bechain andherī rain kaṭtī jae hai
Yaas ke hassās lamhoñ meñ bhī hai kitnā surūr
Shahida ummeed kī mujh se lipaṭtī jae hai
Kām kī ifrāt meñ daftar ke hangāmoñ meñ bhī
Terī yaad āe tavajjuh merī baṭtī jae hai
Hai badan choor aur komal kis qadar chit-choor shām
Jaise sharmīlī dulhan khud meñ simaṭtī jae hai
Hai vo chanchal kāmnī mahboob sāre shahr ko
Dekh kar jis ko nazar merī palaṭtī jae hai
Baab-e-hasrat dāstān-e-shauq tasveer-e-ummeed
Lamha lamha zindagī aurāq ulaṭtī jae hai
Jaag uṭhī hai jiyo-jyotī aas aur vishvās kī
Krishan Mohan kālmādī buddhi kī chhuṭtī jae hai
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں