وہ کیا زندگی جس میں جوشش نہیں — کرشن موہن
شاعر
وہ کیا زندگی جس میں جوشش نہیں
وہ کیا زندگی جس میں جوشش نہیں
وہ کیا آرزو جس میں کاوش نہیں
جنوں آئنہ دار سوز دروں
جنوں پر خوشی کی نوازش نہیں
مقدر کا مرہون منت ہے یہ
ترا مرتبہ وجہ نازش نہیں
حقیقت کا عکاس میرا کلام
تصنع نہیں اس میں کوشش نہیں
یہ اظہار سادہ ہے جذبات کا
کمال ہنر کی نمائش نہیں
زمانے سے ہوں بے نیاز اس قدر
ستائش کی بھی دل میں خواہش نہیں
یہ کیا ہو گیا تیرے مکتوب میں
تعلق کا رنگ نگارش نہیں
اسے مل سکے کامیابی کہاں
مددگار جس کی سفارش نہیں
وہ بے باک آزاد گفتار ہے
کبھی کرشنؔ موہن کو بندش نہیں
Vo kyā zindagī jis meñ joshish nahīñ
Vo kyā zindagī jis meñ joshish nahīñ
Vo kyā ārzū jis meñ kāvish nahīñ
Junūñ āīna-dār-e-soz-e-darūñ
Junūñ par khushī kī navāzish nahīñ
Muqaddar kā marhoon-e-minnat hai ye
Terā martaba vaj'h-e-nāzish nahīñ
Haqīqat kā akkās merā kalām
Tasan'nu' nahīñ is meñ koshish nahīñ
Yeh iz'hār sādah hai jazbāt kā
Kamāl-e-hunar kī numāyish nahīñ
Zamāne se hooñ be-niyāz is qadar
Sitāyish kī bhī dil meñ khwāhish nahīñ
Yeh kyā ho gayā tere maktūb meñ
Ta'alluq kā rang nigārish nahīñ
Use mil sake kām'yābī kahāñ
Madadgār jis kī sifārish nahīñ
Vo be-bāk āzād guftār hai
Kabhī Krishan Mohan ko bandish nahīñ
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں