وصل رنگیں کا مزا اتنا نہ لوٹ — کرشن موہن
شاعر
وصل رنگیں کا مزا اتنا نہ لوٹ
وصل رنگیں کا مزا اتنا نہ لوٹ
آگہی و ہوش کا رشتہ ہی جس سے جائے ٹوٹ
مت سمجھ اس کی وفا کو جھوٹ موٹ
ایسے اکثر عشق میں تقدیر بھی جاتی ہے پھوٹ
اتنی بد مستی بھی تو اچھی نہیں
کیف دل ہے ساغر مے ہاتھ سے جائے نہ چھوٹ
موت ظلمت زندگی نور مدام
کس قدر سنگیں ہے یہ سچ کس قدر رنگیں یہ جھوٹ
کب تلک اس کو سنبھالیں کیا کریں
کرشن موہنؔ من تو کومل کانچ ہے جائے گا ٹوٹ
Wasl-e-rangīn ka maza itna na loot
Wasl-e-rangeen ka maza itna na loot
Aagahi o hosh ka rishta hi jis se jaaye toot
Mat samajh uski wafa ko jhoot moot
Aise aksar ishq mein taqdeer bhi jaati hai phoot
Itni bad-masti bhi to achhi nahin
Kaif-e-dil hai saghar-e-mai haath se jaaye na chhoot
Maut zulmat zindagi noor-e-mudaam
Kis qadar sangin hai ye sach kis qadar rangin ye jhoot
Kab talak isko sambhalein kya karein
Krishn Mohan man to komal kaanch hai jaaye ga toot
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں