یاس کہتی ہے اجالے سے اندھیرے بن جا — کرشن موہن
شاعر
یاس کہتی ہے اجالے سے اندھیرے بن جا
یاس کہتی ہے اجالے سے اندھیرے بن جا
آس کا حکم ہے چاہت کا سویرا بن جا
حسن پر کیف سے کر رام دل اہل زماں
گھیر لے سارا جہاں زلف کا گھیرا بن جا
کیا ستم ہے کہ مرے سادہ و بیکس دل کو
ہوس مال کا فرماں ہے لٹیرا بن جا
میں نے کب تجھ سے کہا ترک تمنا کر کے
اے دل زار کسی بھوت کا ڈیرا بن جا
تھامنا ہے تجھے اک دشمن بد طینت کو
پرچم ہند شجاعت کا پھریرا بن جا
بے نیازانہ گزر جادۂ رنگ و بو سے
اے مرے جذبۂ دل جوگ کا پھیرا بن جا
ضرب دنیا پہ لگا کر اسے تابع کر لے
اس کا دل جیت اندھیرے میں سویرا بن جا
زخمی ناگن کی طرح مارتی ہے پھن دنیا
اس سے بچنے کے لیے ایک سپیرا بن جا
مچھلیاں ڈھونڈتے موتی بھی میسر ہوں گے
گھوم دریاؤں میں بے باک مچھیرا بن جا
کرشن موہنؔ کے دکھی من سبھی بندھن تج کر
جس میں سکھ چین ہو وہ رین بسیرا بن جا
Yaas kehti hai ujale se andhere ban ja
Yaas kehti hai ujale se andhere ban ja
Aas ka hukm hai chahat ka savera ban ja
Husn par kaif se kar ram dil-e-ahl-e-zamaaN
Gher le sara jahan zulf ka ghera ban ja
Kya sitam hai ke mere sada o be-kas dil ko
Hawas-e-maal ka farmaan hai lutera ban ja
Maine kab tujh se kaha tark-e-tamanna kar kar ke
Aye dil-e-zaar kisi bhoot ka dera ban ja
Thaamna hai tujhe ek dushman-e-bad-teenat ko
Parcham-e-Hind shuja'at ka pherera ban ja
Be-niyazana guzar jaada-e-rang o boo se
Aye mere jazba-e-dil jog ka phera ban ja
Zarb duniya pe laga kar use taabe'a kar le
Uskā dil jeet andhere mein savera ban ja
Zakhmi naagan ki tarah maarti hai phan duniya
Is se bachne ke liye ek sapera ban ja
Machhliyan dhoondte moti bhi mayassar honge
Ghoom dariyaon mein be-baak machhera ban ja
Krishn Mohan ke dukhi man sabhi bandhan taj kar
Jis mein sukh chain ho wo rain basera ban ja
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں