یاس و غم میں اے ملن کی آس کے آنسو چمک — کرشن موہن
شاعر
یاس و غم میں اے ملن کی آس کے آنسو چمک
یاس و غم میں اے ملن کی آس کے آنسو چمک
عقل کی ظلمت میں اے احساس کے جگنو چمک
دل رہین یاس ہے محسوس ہوتی ہیں اداس
چاندنی شوخی حیا شبنم ادا خوشبو چمک
پھیکی پھیکی بے مزہ بے نور سی ہے زندگی
عقل کی شوخی دمک اے حسن کے جادو چمک
اپنی چنچلتا سے میرے پیار کو چمکا گئی
تیرے البیلے نشیلے روپ کی دلجو چمک
ہار کر تدبیر نے تقدیر سے کہہ ہی دیا
مان بھی جا مَیں تو چمکی ہوں بہت اب تو چمک
زندگی میں ہو کبھی تو کوئی ہنگامہ بپا
جذبۂ آوارہ و شوخ دل یکسو چمک
ایسے چمکاتا ہے قلب زار کو تیرا خیال
جیسے دشت تیرہ کو دے دیدۂ آہو چمک
چیرنا ہے بے حسی کی گہری ظلمت کو تجھے
اور ابھی اس طور سے اے دشنۂ ابرو چمک
تیرے تیور زیور احساس ہیں الماس ہیں
یاد کے کہرے میں سوز و کاوش پہلو چمک
اے فسون راز جلوت ساز اے خلوت نواز
پیار کی آواز پائے ناز کے گھنگھرو چمک
کرشن موہنؔ کے دکھی من پر اندھیرا چھا گیا
روپ کی دھوپ اے برہ کے درد کی دارو چمک
Yaas o gham mein aye milan ki aas ke aansu chamak
Yaas o gham mein aye milan ki aas ke aansu chamak
Aql ki zulmat mein aye ehsas ke jugnu chamak
Dil raheen-e-yaas hai mahsoos hoti hain udaas
Chandni shokhi haya shabnam ada khushboo chamak
Pheeki pheeki be-maza be-noor si hai zindagi
Aql ki shokhi damak aye husn ke jadoo chamak
Apni chanchalta se mere pyar ko chamkaaye gi
Tere albele nasheele roop ki diljoo chamak
Haar kar tadbeer ne taqdeer se keh hi diya
Maan bhi ja main to chamki hoon bahut ab tu chamak
Zindagi mein ho kabhi to koi hangama bapa
Jazba aawara o shokh dil yaksu chamak
Aise chamkata hai qalb-e-zaar ko tera khayal
Jaise dasht-e-teerah ko de deedah-e-aahoo chamak
Cheerna hai be-hisi ki gehri zulmat ko tujhe
Aur abhi is taur se aye dashna-e-abroo chamak
Tere tewar zevar-e-ehsas hain almaas hain
Yaad ke kehre mein soz-o-kawish pehlu chamak
Aye fasoon-e-raaz jalwat-saaz aye khalwat-nawaz
Pyar ki aawaz paaye naz ke ghungroo chamak
Krishna Mohan ke dukhi man par andhera chha gaya
Roop ki dhoop aye birha ke dard ki daaru chamak
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں