زندگی کے آخری لمحے خوشی سے بھر گیا — کرشن موہن
شاعر
زندگی کے آخری لمحے خوشی سے بھر گیا
زندگی کے آخری لمحے خوشی سے بھر گیا
ایک دن اتنا ہنسا وہ ہنستے ہنستے مر گیا
بجھ گیا احساس طاری ہے سکوت بے حسی
درد کا دفتر گیا سامان شور و شر گیا
شخص معمولی مرا جو مال وافر چھوڑ کر
مرتے مرتے تہمتیں چند اپنے ذمے دھر گیا
اس قدر سنجیدہ تھا وہ دفعتاً بوڑھا ہوا
اور پھر اک دوپہر بیوی کو بیوہ کر گیا
دور درشن پر طرب آگیں تماشا دیکھ کر
خوش ہوا وہ اس قدر مارے خوشی کے مر گیا
در حقیقت موت کا مطلب تو ہے نقل مکاں
جس طرح کمرے کے اندر سے کوئی باہر گیا
کرشن موہنؔ یہ بھی ہے کیسا اکیلا پن کہ لوگ
موت سے ڈرتے ہیں میں تو زندگی سے ڈر گیا
Zindagī ke ākhirī lamhe khushī se bhar gayā
Zindagī ke ākhirī lamhe khushī se bhar gayā
Ek din itnā hañsā vo hañste hañste mar gayā
Bujh gayā ehsās tārī hai sukūt-e-be-hasī
Dard kā daftar gayā sāmān-e-shor-o-shar gayā
Shakhs ma'mūlī mirā jo māl-e-wāfir chhoṛ kar
Marte marte tuhmateñ chand apne zimme dhar gayā
Is qadar sanjīdah thā vo daf'atan buṛhā huā
Aur phir ek dopahar bīvī ko beva kar gayā
Door darshan par tarab-angez tamāshā dekh kar
Khush huā vo is qadar māre khushī ke mar gayā
Dar haqīqat maut kā matlab to hai naql-e-makāñ
Jis tarah kamre ke andar se koī bāhar gayā
Krishan Mohan yeh bhī hai kaisā akelāpan ke log
Maut se darte haiñ maiñ to zindagī se dar gayā
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں