زندگی اور موت — کرشن موہن
شاعر
زندگی اور موت
موت ہے زیست کی ہم سفر
ایک ہی وقت پر
جینے کے ساتھ مرتا چلا جا رہا ہے بشر
موت اور زیست اک دوسرے سے کہاں دور ہیں
ہر گھڑی جان کا کچھ نہ کچھ جزو مرتا چلا جائے ہے
ہم جو ہر آن مرتے چلے جا رہے ہیں بالاقساط اک روز مر جائیں گے
ذرہ ذرہ بکھر جائیں گے
جنم دن ہی تو مرنے کا آغاز ہے
جنم دن ہی مرن دن بھی ہے اس لئے
موت باہر نہیں بلکہ اندر ہے ہستی میں تحلیل ہے
زیست مرگ مسلسل کی تشکیل ہے
Zindagi Aur Maut
Maut hai zeest ki humsafar
Ek hi waqt par
Jeene ke saath marta chala ja raha hai bashar
Maut aur zeest ek doosre se kahan door hain
Har ghadi jaan ka kuch na kuch juzv marta chala jaaye hai
Hum jo har aan marte chale ja rahe hain bil-aqsath ek roz mar jayenge
Zarra zarra bikhar jayenge
Janam din hi to marne ka aaghaz hai
Janam din hi maran din bhi hai is liye
Maut bahar nahin balki andar hai hasti mein tahlil hai
Zeest marg-e-musalsal ki tashkeel hai
شاعر کے بارے میں
کرشنؔ موہن (اصل نام: کرشن لال بھاٹیا) اردو کے معروف اور معتبر شعرا میں شمار ہوتے ہیں، جن کی پیدائش 28 نومبر 1922ء کو سیالکوٹ (برطانوی ہندوستان) میں...
مکمل تعارف پڑھیں