درد کی دھوپ سے چہرے کو نکھر جانا تھا — نصیر ترابی
شاعر
درد کی دھوپ سے چہرے کو نکھر جانا تھا
درد کی دھوپ سے چہرے کو نکھر جانا تھا
آئنہ دیکھنے والے تجھے مر جانا تھا
راہ میں ایسے نقوش کف پا بھی آئے
میں نے دانستہ جنہیں گرد سفر جانا تھا
وہم و ادراک کے ہر موڑ پہ سوچا میں نے
تو کہاں ہے مرے ہم راہ اگر جانا تھا
آگہی زخم نظارہ نہ بنی تھی جب تک
میں نے ہر شخص کو محبوب نظر جانا تھا
قربتیں ریت کی دیوار ہیں گر سکتی ہیں
مجھ کو خود اپنے ہی سائے میں ٹھہر جانا تھا
تو کہ وہ تیز ہوا جس کی تمنا بے سود
میں کہ وہ خاک جسے خود ہی بکھر جانا تھا
آنکھ ویران سہی پھر بھی اندھیروں کو نصیرؔ
روشنی بن کے مرے دل میں اتر جانا تھا
Dard ki dhoop se chehre ko nikhar jaana tha
Dard ki dhoop se chehre ko nikhar jaana tha
Aaina dekhne waale tujhe mar jaana tha
Raah mein aise naqoosh-e-kaf-e-pa bhi aaye
Maine daanista jinhein gard-e-safar jaana tha
Wahm-o-idraak ke har moṛ pe socha maine
Tu kahan hai mere humraah agar jaana tha
Aagahi zakhm-e-nazaara na bani thi jab tak
Maine har shakhs ko mehboob-e-nazar jaana tha
Qurbaten ret ki deewaar hain gir sakti hain
Mujh ko khud apne hi saaye mein ṭhahar jaana tha
Tu ke wo tez hawa jis ki tamanna be-sood
Main ke wo khaak jise khud hi bikhar jaana tha
Aankh veeraan sahi phir bhi andheron ko Naseerؔ
Roshni ban ke mere dil mein utar jaana tha
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں