تجھے کیا خبر مرے بے خبر مرا سلسلہ کوئی اور ہے — نصیر ترابی
شاعر
تجھے کیا خبر مرے بے خبر مرا سلسلہ کوئی اور ہے
تجھے کیا خبر مرے بے خبر مرا سلسلہ کوئی اور ہے
جو مجھی کو مجھ سے بہم کرے وہ گریز پا کوئی اور ہے
مرے موسموں کے بھی طور تھے مرے برگ و بار ہی اور تھے
مگر اب روش ہے الگ کوئی مگر اب ہوا کوئی اور ہے
یہی شہر شہر قرار ہے تو دل شکستہ کی خیر ہو
مری آس ہے کسی اور سے مجھے پوچھتا کوئی اور ہے
یہ وہ ماجرائے فراق ہے جو محبتوں سے نہ کھل سکا
کہ محبتوں ہی کے درمیاں سبب جفا کوئی اور ہے
ہیں محبتوں کی امانتیں یہی ہجرتیں یہی قربتیں
دیے بام و در کسی اور نے تو رہا بسا کوئی اور ہے
یہ فضا کے رنگ کھلے کھلے اسی پیش و پس کے ہیں سلسلے
ابھی خوش نوا کوئی اور تھا ابھی پر کشا کوئی اور ہے
دل زود رنج نہ کر گلہ کسی گرم و سرد رقیب کا
رخ ناسزا تو ہے روبرو پس ناسزا کوئی اور ہے
بہت آئے ہمدم و چارہ گر جو نمود و نام کے ہو گئے
جو زوال غم کا بھی غم کرے وہ خوش آشنا کوئی اور ہے
یہ نصیرؔ شام سپردگی کی اداس اداس سی روشنی
بہ کنار گل ذرا دیکھنا یہ تمہی ہو یا کوئی اور ہے
Tujhe kya khabar mere be-khabar mera silsila koi aur hai
Tujhe kya khabar mere be-khabar mera silsila koi aur hai
Jo mujhi ko mujh se baham kare wo gureez-pa koi aur hai
Mere mausamon ke bhi taur the mere barg-o-baar hi aur the
Magar ab rawish hai alag koi magar ab hawa koi aur hai
Yahi shahr shahr-e-qarar hai to dil shikasta ki khair ho
Meri aas hai kisi aur se mujhe puchhta koi aur hai
Ye wo maajra-e-firaq hai jo mohabbaton se na khul saka
Ke mohabbaton hi ke darmiyan sabab-e-jafa koi aur hai
Hain mohabbaton ki amanatein yahi hijratein yahi qurbatein
Diye baam o dar kisi aur ne to raha basa koi aur hai
Ye faza ke rang khule khule isi pesh o pas ke hain silsile
Abhi khush nawa koi aur tha abhi par kusha koi aur hai
Dil zod-ranj na kar gila kisi garm o sard raqeeb ka
Rukh-e-nasaza tu hai rubaru pas-e-nasaza koi aur hai
Bahut aaye hamdam o charah-gar jo namood o naam ke ho gaye
Jo zawaal-e-gham ka bhi gham kare wo khush-ashna koi aur hai
Ye Naseer sham sipurdagi ki udaas udaas si raushni
Ba kinaar-e-gul zara dekhna ye tumhi ho ya koi aur hai
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں