رچے بسے ہوئے لمحوں سے جب حساب ہوا — نصیر ترابی
شاعر
رچے بسے ہوئے لمحوں سے جب حساب ہوا
رچے بسے ہوئے لمحوں سے جب حساب ہوا
گئے دنوں کی رتوں کا زیاں ثواب ہوا
گزر گیا تو پس موج بے کناری تھی
ٹھہر گیا تو وہ دریا مجھے سراب ہوا
سپردگی کے تقاضے کہاں کہاں سے پڑھوں
ہنر کے باب میں پیکر ترا کتاب ہوا
ہر آرزو مری آنکھوں کی روشنی ٹھہری
چراغ سوچ میں گم ہیں یہ کیا عذاب ہوا
کچھ اجنبی سے لگے آشنا دریچے بھی
کرن کرن جو اجالوں کا احتساب ہوا
وہ یخ مزاج رہا فاصلوں کے رشتوں سے
مگر گلے سے لگایا تو آب آب ہوا
وہ پیڑ جس کے تلے روح گنگناتی تھی
اسی کی چھاؤں سے اب مجھ کو اجتناب ہوا
ان آندھیوں میں کسے مہلت قیام یہاں
کہ ایک خیمۂ جاں تھا سو بے طناب ہوا
صلیب سنگ ہو یا پیرہن کے رنگ نصیرؔ
ہمارے نام سے کیا کیا نہ انتساب ہوا
Rache base hue lamhon se jab hisaab hua
Rache base hue lamhon se jab hisaab hua
Gaye dinon ki ruton ka ziyaan-e-sawaab hua
Guzar gaya to pas-e-mauj-e-be-kinaari thi
Ṭhahar gaya to wo darya mujhe saraab hua
Supurdagi ke taqaaze kahan kahan se paṛhun
Hunar ke baab mein paikar tera kitaab hua
Har aarzoo meri aankhon ki roshni ṭhahri
Charagh soch mein gum hain ye kya azaab hua
Kuch ajnabi se lage aashna dareeche bhi
Kiran kiran jo ujaalon ka ehtisaab hua
Wo yakh-mizaaj raha faaslon ke rishton se
Magar gale se lagaya to aab-aab hua
Wo peṛ jis ke tale rooh gungunahati thi
Usi ki chhaaon se ab mujh ko ijtinaab hua
In aandhiyon mein kise mohlat-e-qiyaam yahan
Ke ek khaima-e-jaan tha so be-tanaab hua
Saleeb-e-sang ho ya pairahan ke rang Naseerؔ
Hamaare naam se kya kya na intisaab hua
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں