صبا کا نرم سا جھونکا بھی تازیانہ ہوا — نصیر ترابی
شاعر
صبا کا نرم سا جھونکا بھی تازیانہ ہوا
صبا کا نرم سا جھونکا بھی تازیانہ ہوا
یہ وار مجھ پہ ہوا بھی تو غائبانہ ہوا
اسی نے مجھ پہ اٹھائے ہیں سنگ جس کے لیے
میں پاش پاش ہوا گھر نگار خانہ ہوا
جھلس رہا تھا بدن گرمئ نفس سے مگر
ترے خیال کا خورشید شامیانہ ہوا
خود اپنے ہجر کی خواہش مجھے عزیز رہی
یہ تیرے وصل کا قصہ تو اک بہانہ ہوا
خدا کی سرد مزاجی سما گئی مجھ میں
مری تلاش کا سودا پیمبرانہ ہوا
میں اک شجر کی طرح رہگزر میں ٹھہرا ہوں
تھکن اتار کے تو کس طرف روانہ ہوا
وہ شخص جس کے لیے شعر کہہ رہا ہوں نصیرؔ
غزل سنائے ہوئے اس کو اک زمانہ ہوا
Saba ka narm sa jhonka bhi taaziyana hua
Saba ka narm sa jhonka bhi taaziyana hua
Ye waar mujh pe hua bhi to ghaibaana hua
Usi ne mujh pe uṭhaaye hain sang jis ke liye
Main paash-paash hua ghar nigaar-khana hua
Jhulsa raha tha badan garmi-e-nafas se magar
Tere khayaal ka khursheed shaamiyaana hua
Khud apne hijr ki khwahish mujhe azeez rahi
Ye tere wasl ka qissa to ek bahana hua
Khuda ki sard-mizaaji sama gayi mujh mein
Meri talaash ka sauda paighambaraana hua
Main ek shajar ki tarah rehguzar mein ṭhahra hoon
Thakan utaar ke tu kis taraf rawana hua
Wo shakhs jis ke liye sher keh raha hoon Naseerؔ
Ghazal sunaaye hue us ko ek zamana hua
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں