وہ ہم سفر تھا مگر اس سے ہم نوائی نہ تھی — نصیر ترابی
شاعر
وہ ہم سفر تھا مگر اس سے ہم نوائی نہ تھی
وہ ہم سفر تھا مگر اس سے ہم نوائی نہ تھی
کہ دھوپ چھاؤں کا عالم رہا جدائی نہ تھی
نہ اپنا رنج نہ اوروں کا دکھ نہ تیرا ملال
شب فراق کبھی ہم نے یوں گنوائی نہ تھی
محبتوں کا سفر اس طرح بھی گزرا تھا
شکستہ دل تھے مسافر شکستہ پائی نہ تھی
عداوتیں تھیں، تغافل تھا، رنجشیں تھیں بہت
بچھڑنے والے میں سب کچھ تھا، بے وفائی نہ تھی
بچھڑتے وقت ان آنکھوں میں تھی ہماری غزل
غزل بھی وہ جو کسی کو ابھی سنائی نہ تھی
کسے پکار رہا تھا وہ ڈوبتا ہوا دن
صدا تو آئی تھی لیکن کوئی دہائی نہ تھی
کبھی یہ حال کہ دونوں میں یک دلی تھی بہت
کبھی یہ مرحلہ جیسے کہ آشنائی نہ تھی
عجیب ہوتی ہے راہ سخن بھی دیکھ نصیرؔ
وہاں بھی آ گئے آخر، جہاں رسائی نہ تھی
Wo hum-safar tha magar is se hum-nawaai na thi
Wo hum-safar tha magar is se hum-nawaai na thi
Ke dhoop chhaon ka aalam raha judaai na thi
Na apna ranj na auron ka dukh na tera malaal
Shab-e-firaq kabhi hum ne yun ganwaai na thi
Mohabbaton ka safar is tarah bhi guzra tha
Shikasta-dil the musafir shikasta-paai na thi
Adavatein theen, taghaful tha, ranjishein theen bahut
Bichhadne wale mein sab kuch tha, bewafaai na thi
Bichhadte waqt in aankhon mein thi hamari ghazal
Ghazal bhi wo jo kisi ko abhi sunaai na thi
Kise pukar raha tha wo doobta hua din
Sada to aayi thi lekin koi duhaai na thi
Kabhi ye haal ke donon mein yak-dili thi bahut
Kabhi ye marhala jaise ke aashnaai na thi
Ajeeb hoti hai rah-e-sukhan bhi dekh Naseer
Wahan bhi aa gaye aakhir, jahan rasai na thi
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں