مثل صحرا ہے رفاقت کا چمن بھی اب کے — نصیر ترابی
شاعر
مثل صحرا ہے رفاقت کا چمن بھی اب کے
مثل صحرا ہے رفاقت کا چمن بھی اب کے
جل بجھا اپنے ہی شعلوں میں بدن بھی اب کے
خار و خس ہوں تو شرر خیزیاں دیکھوں پھر سے
آنکھ لے آئی ہے اک ایسی کرن بھی اب کے
ہم تو وہ پھول جو شاخوں پہ یہ سوچیں پہروں
کیوں صبا بھول گئی اپنا چلن بھی اب کے
منزلوں تک نظر آتا ہے شکستوں کا غبار
ساتھ دیتی نہیں ایسے میں تھکن بھی اب کے
منسلک ایک ہی رشتے میں نہ ہو جائے کہیں
ترے ماتھے ترے بستر کی شکن بھی اب کے
بے گناہی کے لبادے کو اتارو بھی نصیرؔ
راس آ جائے اگر جرم سخن بھی اب کے
Misl-e-sahra hai rafaqat ka chaman bhi ab ke
Misl-e-sahra hai rafaqat ka chaman bhi ab ke
Jal bujha apne hi sholon mein badan bhi ab ke
Khaar-o-khas hoon to sharar-kheziyaan dekhun phir se
Aankh le aayi hai ek aisi kiran bhi ab ke
Ham to wo phool jo shaakhon pe ye sochen pahron
Kyun saba bhool gayi apna chalan bhi ab ke
Manzilon tak nazar aata hai shikaston ka ghubaar
Saath deti nahin aise mein thakan bhi ab ke
Mansalik ek hi rishte mein na ho jaaye kahin
Tere maathe tere bistar ki shikan bhi ab ke
Be-gunaahi ke libaade ko utaaro bhi Naseerؔ
Raas aa jaaye agar jurm-e-sukhan bhi ab ke
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں