دیکھ لیتے ہیں اب اس بام کو آتے جاتے — نصیر ترابی
شاعر
دیکھ لیتے ہیں اب اس بام کو آتے جاتے
دیکھ لیتے ہیں اب اس بام کو آتے جاتے
یہ بھی آزار چلا جائے گا جاتے جاتے
دل کے سب نقش تھے ہاتھوں کی لکیروں جیسے
نقش پا ہوتے تو ممکن تھا مٹاتے جاتے
تھی کبھی راہ جو ہمراہ گزرنے والی
اب حذر ہوتا ہے اس راہ سے آتے جاتے
شہر بے مہر کبھی ہم کو بھی مہلت دیتا
اک دیا ہم بھی کسی رخ سے جلاتے جاتے
پارۂ ابر گریزاں تھے کہ موسم اپنے
دور بھی رہتے مگر پاس بھی آتے جاتے
ہر گھڑی ایک جدا غم ہے جدائی اس کی
غم کی میعاد بھی وہ لے گیا جاتے جاتے
اس کے کوچے میں بھی ہو، راہ سے بے راہ نصیرؔ
اتنے آئے تھے تو آواز لگاتے جاتے
Dekh lete hain ab us baam ko aate jaate
Dekh lete hain ab us baam ko aate jaate
Ye bhi aazaar chala jayega jaate jaate
Dil ke sab naqsh the haathon ki lakeeron jaise
Naqsh-e-pa hote to mumkin tha miṭaate jaate
Thi kabhi raah jo humraah guzarne waali
Ab hazar hota hai us raah se aate jaate
Shahr-e-be-mehar kabhi hum ko bhi mohlat deta
Ek diya hum bhi kisi rukh se jalaate jaate
Paare abr gurezaan the ke mausam apne
Door bhi rehte magar paas bhi aate jaate
Har ghaṛi ek juda gham hai judaai us ki
Gham ki miyaad bhi wo le gaya jaate jaate
Us ke kooche mein bhi ho, raah se be-raah Naseerؔ
Itne aaye the to aawaaz lagaate jaate
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں