دیا سا دل کے خرابے میں جل رہا ہے میاں — نصیر ترابی
شاعر
دیا سا دل کے خرابے میں جل رہا ہے میاں
دیا سا دل کے خرابے میں جل رہا ہے میاں
دیے کے گرد کوئی عکس چل رہا ہے میاں
یہ روح رقص چراغاں ہے اپنے حلقے میں
یہ جسم سایہ ہے اور سایہ ڈھل رہا میاں
یہ آنکھ پردہ ہے اک گردش تحیر کا
یہ دل نہیں ہے بگولہ اچھل رہا ہے میاں
کبھی کسی کا گزرنا کبھی ٹھہر جانا
مرے سکوت میں کیا کیا خلل رہا ہے میاں
کسی کی راہ میں افلاک زیر پا ہوتے
یہاں تو پاؤں سے صحرا نکل رہا ہے میاں
ہجوم شوخ میں یہ دل ہی بے غرض نکلا
چلو کوئی تو حریفانہ چل رہا ہے میاں
تجھے ابھی سے پڑی ہے کہ فیصلہ ہو جائے
نہ جانے کب سے یہاں وقت ٹل رہا ہے میاں
طبیعتوں ہی کے ملنے سے تھا مزہ باقی
سو وہ مزہ بھی کہاں آج کل رہا ہے میاں
غموں کی فصل میں جس غم کو رائیگاں سمجھیں
خوشی تو یہ ہے کہ وہ غم بھی پھل رہا ہے میاں
لکھا نصیرؔ نے ہر رنگ میں سفید و سیاہ
مگر جو حرف لہو میں مچل رہا ہے میاں
Diya sa dil ke kharaabe mein jal raha hai miyan
Diya sa dil ke kharaabe mein jal raha hai miyan
Diye ke gird koi aks chal raha hai miyan
Ye rooh raqs-e-charaghan hai apne halqe mein
Ye jism saaya hai aur saaya ḍhal raha miyan
Ye aankh parda hai ek gardish-e-tahayyur ka
Ye dil nahin hai bagoola uchhal raha hai miyan
Kabhi kisi ka guzarna kabhi ṭhahar jaana
Mere sukoot mein kya kya khalal raha hai miyan
Kisi ki raah mein aflaak zer-e-pa hote
Yahan to paaon se sahra nikal raha hai miyan
Hujoom-e-shokh mein ye dil hi be-gharaz nikla
Chalo koi to hareefaana chal raha hai miyan
Tujhe abhi se paṛi hai ke faisla ho jaaye
Na jaane kab se yahan waqt ṭal raha hai miyan
Tabiyaton hi ke milne se tha maza baaqi
So wo maza bhi kahan aaj kal raha hai miyan
Ghamon ki fasl mein jis gham ko raayegaan samjhen
Khushi to ye hai ke wo gham bhi phal raha hai miyan
Likha Naseerؔ ne har rang mein safed-o-siyah
Magar jo harf lahu mein machal raha hai miyan
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں