ہمرہی کی بات مت کر امتحاں ہو جائے گا — نصیر ترابی
شاعر
ہمرہی کی بات مت کر امتحاں ہو جائے گا
ہمرہی کی بات مت کر امتحاں ہو جائے گا
ہم سبک ہو جائیں گے تجھ کو گراں ہو جائے گا
جب بہار آ کر گزر جائے گی اے سرو بہار
ایک رنگ اپنا بھی پیوند خزاں ہو جائے گا
ساعت ترک تعلق بھی قریب آ ہی گئی
کیا یہ اپنا سب تعلق رائیگاں ہو جائے گا
یہ ہوا سارے چراغوں کو اڑا لے جائے گی
رات ڈھلنے تک یہاں سب کچھ دھواں ہو جائے گا
شاخ دل پھر سے ہری ہونے لگی دیکھو نصیرؔ
ایسا لگتا ہے کسی کا آشیاں ہو جائے گا
Hamrahi ki baat mat kar imtehaan ho jayega
Hamrahi ki baat mat kar imtehaan ho jayega
Ham subuk ho jayenge tujh ko giraan ho jayega
Jab bahaar aa kar guzar jayegi ae sarv-e-bahaar
Ek rang apna bhi paiwand-e-khizaan ho jayega
Sa'at-e-tark-e-ta'alluq bhi qareeb aa hi gayi
Kya ye apna sab ta'alluq raayegaan ho jayega
Ye hawa saare charaghon ko uṛa le jayegi
Raat ḍhalne tak yahan sab kuch dhuaan ho jayega
Shaakh-e-dil phir se hari hone lagi dekho Naseerؔ
Aisa lagta hai kisi ka aashiyan ho jayega
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں