انجیل رفتگاں کی حدیثوں کے ساتھ ہوں — نصیر ترابی
شاعر
انجیل رفتگاں کی حدیثوں کے ساتھ ہوں
انجیل رفتگاں کی حدیثوں کے ساتھ ہوں
عیسیٰ نفس ہوں اور صلیبوں کے ساتھ ہوں
پابند رنگ و نقش ہوں تصویر کی طرح
میں بے حجاب اپنے حجابوں کے ساتھ ہوں
اوراق آرزو پہ بہ عنوان جاں کنی
میں بے نشاں سی چند لکیروں کے ساتھ ہوں
شاید یہ انتظار کی لو فیصلہ کرے
میں اپنے ساتھ ہوں کہ دریچوں کے ساتھ ہوں
تو فتح مند میرا تراشا ہوا صنم
میں بت تراش اپنی شکستوں کے ساتھ ہوں
موج صبا کی زد پہ سر رہ گزار شوق
میں بھی نصیرؔ گھر کے چراغوں کے ساتھ ہوں
Injeel-e-raftagaan ki hadeeson ke saath hoon
Injeel-e-raftagaan ki hadeeson ke saath hoon
Isa-nafas hoon aur saleebon ke saath hoon
Paa-band-e-rang-o-naqsh hoon tasveer ki tarah
Main be-hijaab apne hijaabon ke saath hoon
Awaraaq-e-aarzoo pe ba-unwaan-e-jaan-kuni
Main be-nishaan si chand lakeeron ke saath hoon
Shayad ye intizaar ki lau faisla kare
Main apne saath hoon ke dareechon ke saath hoon
Tu fateh-mand mera taraasha hua sanam
Main but-taraash apni shikaston ke saath hoon
Mauj-e-saba ki zad pe sar-e-reh-guzaar-e-shauq
Main bhi Naseerؔ ghar ke charaghon ke saath hoon
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں