کوئی آواز نہ آہٹ نہ خیال ایسے میں — نصیر ترابی
شاعر
کوئی آواز نہ آہٹ نہ خیال ایسے میں
کوئی آواز نہ آہٹ نہ خیال ایسے میں
رات مہکی ہے مگر جی ہے نڈھال ایسے میں
میرے اطراف تو گرتی ہوئی دیواریں ہیں
سایۂ عمر رواں مجھ کو سنبھال ایسے میں
جب بھی چڑھتے ہوئے دریا میں سفینہ اترا
یاد آیا ترے لہجے کا کمال ایسے میں
آنکھ کھلتی ہے تو سب خواب بکھر جاتے ہیں
سوچتا ہوں کہ بچھا دوں کوئی جال ایسے میں
مدتوں بعد اگر سامنے آئے ہم تم
دھندلے دھندلے سے ملیں گے خد و خال ایسے میں
ہجر کے پھول میں ہے درد کی باسی خوشبو
موسم وصل کوئی تازہ ملال ایسے میں
Koi aawaaz na aahaṭ na khayaal aise mein
Koi aawaaz na aahaṭ na khayaal aise mein
Raat mehki hai magar jee hai niḍhaal aise mein
Mere atraaf to girti hui deewaren hain
Saaya-e-umr-e-rawaan mujh ko sambhaal aise mein
Jab bhi chaṛhte hue darya mein safeena utra
Yaad aaya tere lehje ka kamaal aise mein
Aankh khulti hai to sab khwab bikhar jaate hain
Sochta hoon ke bichha doon koi jaal aise mein
Muddaton baad agar saamne aaye hum tum
Dhundle dhundle se milenge khud-o-khaal aise mein
Hijr ke phool mein hai dard ki baasi khushboo
Mausam-e-wasl koi taza malaal aise mein
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں