میں بھی اے کاش کبھی موج صبا ہو جاؤں — نصیر ترابی
شاعر
میں بھی اے کاش کبھی موج صبا ہو جاؤں
میں بھی اے کاش کبھی موج صبا ہو جاؤں
اس توقع پہ کہ خود سے بھی جدا ہو جاؤں
ابر اٹھے تو سمٹ جاؤں تری آنکھوں میں
دھوپ نکلے تو ترے سر کی ردا ہو جاؤں
آج کی رات اجالے مرے ہمسایہ ہیں
آج کی رات جو سو لوں تو نیا ہو جاؤں
اب یہی سوچ لیا دل میں کہ منزل کے بغیر
گھر پلٹ آؤں تو میں آبلہ پا ہو جاؤں
پھول کی طرح مہکتا ہوں تری یاد کے ساتھ
یہ الگ بات کہ میں تجھ سے خفا ہو جاؤں
جس کے کوچے میں برستے رہے پتھر مجھ پر
اس کے ہاتھوں کے لیے رنگ حنا ہو جاؤں
آرزو یہ ہے کہ تقدیس ہنر کی خاطر
تیرے ہونٹوں پہ رہوں حمد و ثنا ہو جاؤں
مرحلہ اپنی پرستش کا ہو درپیش تو میں
اپنے ہی سامنے مائل بہ دعا ہو جاؤں
تیشۂ وقت بتائے کہ تعارف کے لیے
کن پہاڑوں کی بلندی پہ کھڑا ہو جاؤں
ہائے وہ لوگ کہ میں جن کا پجاری ہوں نصیرؔ
ہائے وہ لوگ کہ میں جن کا خدا ہو جاؤں
Main bhi ae kaash kabhi mauj-e-saba ho jaaun
Main bhi ae kaash kabhi mauj-e-saba ho jaaun
Is tawaqqo pe ke khud se bhi juda ho jaaun
Abr uṭhe to simaṭ jaaun teri aankhon mein
Dhoop nikle to tere sar ki rida ho jaaun
Aaj ki raat ujaale mere hamsaaya hain
Aaj ki raat jo so loon to naya ho jaaun
Ab yahi soch liya dil mein ke manzil ke baghair
Ghar palaṭ aaun to main aabla-pa ho jaaun
Phool ki tarah mehakta hoon teri yaad ke saath
Ye alag baat ke main tujh se khafa ho jaaun
Jis ke kooche mein baraste rahe patthar mujh par
Us ke haathon ke liye rang-e-hina ho jaaun
Aarzoo ye hai ke taqdees-e-hunar ki khaatir
Tere honṭon pe rahun hamd-o-sana ho jaaun
Marhala apni parastish ka ho darpesh to main
Apne hi saamne maa'il ba-dua ho jaaun
Teesha-e-waqt bataaye ke ta'aruf ke liye
Kin pahaaṛon ki bulandi pe khaṛa ho jaaun
Haaye wo log ke main jin ka pujaari hoon Naseerؔ
Haaye wo log ke main jin ka Khuda ho jaaun
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں