ملنے کی طرح مجھ سے وہ پل بھر نہیں ملتا — نصیر ترابی
شاعر
ملنے کی طرح مجھ سے وہ پل بھر نہیں ملتا
ملنے کی طرح مجھ سے وہ پل بھر نہیں ملتا
دل اس سے ملا جس سے مقدر نہیں ملتا
یہ راہ تمنا ہے یہاں دیکھ کے چلنا
اس راہ میں سر ملتے ہیں پتھر نہیں ملتا
ہم رنگیٔ موسم کے طلب گار نہ ہوتے
سایہ بھی تو قامت کے برابر نہیں ملتا
کہنے کو غم ہجر بڑا دشمن جاں ہے
پر دوست بھی اس دوست سے بہتر نہیں ملتا
کچھ روز نصیرؔ آؤ چلو گھر میں رہا جائے
لوگوں کو یہ شکوہ ہے کہ گھر پر نہیں ملتا
Milne ki tarah mujh se wo pal bhar nahin milta
Milne ki tarah mujh se wo pal bhar nahin milta
Dil us se mila jis se muqaddar nahin milta
Ye raah-e-tamanna hai yahan dekh ke chalna
Is raah mein sar milte hain patthar nahin milta
Ham-rangi-e-mausam ke talabgaar na hote
Saaya bhi to qamat ke barabar nahin milta
Kehne ko gham-e-hijr baṛa dushman-e-jaan hai
Par dost bhi us dost se behtar nahin milta
Kuch roz Naseerؔ aao chalo ghar mein raha jaaye
Logon ko ye shikwa hai ke ghar par nahin milta
شاعر کے بارے میں
ِمعروف شاعر نصیر ترابی اردو غزل کی اُس روشن روایت کے وارث تھے جس میں کلاسیکی تہذیب کی لطافت بھی ہے اور جدید انسان کی داخلی کربناک صدائیں بھی۔ 15 جو...
مکمل تعارف پڑھیں