آگ اور خوں کے کھیل سے اب تک بھرا نہ جی — نعمان شوق
شاعر
آگ اور خوں کے کھیل سے اب تک بھرا نہ جی
آگ اور خوں کے کھیل سے اب تک بھرا نہ جی
جنت کے دعویدار ہمارا جلا نہ جی
کردار مسخرے کا المیے میں مل گیا
خود پر بھی ہنس کے دیکھ لیا خوش ہوا نہ جی
کیا جانور ملا تھا سدھایا نہیں گیا
جینا بھی ایک کام تھا جس میں لگا نہ جی
مانگی تھی اک بخیل سے پورے بدن کی بھیکھ
آنکھیں دکھا کے رہ گیا کاسہ بھرا نہ جی
سب عشق روشنی کے خریدار اٹھ گئے
بازار یوں گرا کہ جلایا گیا نہ جی
محفل میں واہ واہ کا وہ شور تھا کہ بس
کمبخت شاعری کا مگر خوش ہوا نہ جی
نعمان شوق
Aag aur khoon ke khel se ab tak bhara na ji
Aag aur khoon ke khel se ab tak bhara na ji
Jannat ke da'vedaar hamara jala na ji
Kirdaar maskhare ka almiye mein mil gaya
Khud par bhi hans ke dekh liya khush hua na ji
Kya jaanwar mila tha sudhaya nahin gaya
Jeena bhi ek kaam tha jis mein laga na ji
Maangi thi ek bakheel se poore badan ki bheekh
Aankhein dikha ke rah gaya kaasa bhara na ji
Sab ishq roshni ke khareedar uTh gaye
Bazaar yoon gira ki jalaya gaya na ji
Mahfil mein waah waah ka woh shor tha ki bas
Kambakht shaayari ka magar khush hua na ji
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں