تقویٰ — نعمان شوق
شاعر
تقویٰ
بہت عیار تھے وہ لوگ
وہ سارا دن خدا کو یاد کرتے
مسجدوں میں جاتے
روتے گڑگڑاتے اور تسبیحیں پڑھا کرتے
زمانہ معتقد تھا اس قدر ان کا
وہ جب باہر نکلتے
لوگ ان کے راستے کی گرد کو
اپنے عماموں سے ہٹاتے تھے
ان کی خاطر خوان پر نعمت سجاتے تھے
مگر
جب رات آتی اور اندھیرے ہر در و دیوار پر
خیمے اپنے نصب کر لیتے
ڈاکوؤں کا بھیس
لوٹ لیتے آبرو
مال و زر لعل و گہر
اور پھر وہ صبح دم
صدق و صفا کا درس دیتے
اور صبر و رضا کی شہر کو تلقین کرتے
اور پھر مصروف ہو جاتے
عبادت میں وہ اپنی
انہیں شداد کی جنت
الٰہی کی رضا سے چاہئے تھی
نعمان شوق
Taqwa
Bohat ayyar the woh log
Woh saara din Khuda ko yaad karte
Masjidon mein jaate
Rote guRguRate aur tasbeehen paRha karte
Zamana mo'taqid tha is qadar un ka
Woh jab bahar nikalte
Log un ke raaste ki gard ko
Apne imamon se haTate the
Un ki khaatir khwan par ne'mat sajate the
Magar
Jab raat aati aur andhere har dar-o-deewar par
Khaime apne nasb kar lete
Dakoo'on ka bhes
Loot lete aabroo
Maal-o-zar la'al-o-gauhar
Aur phir woh subh-e-dam
Sidq-o-safa ka dars dete
Aur sabr-o-raza ki shahr ko talqeen karte
Aur phir masroof ho jaate
Ibadat mein woh apni
Unhein shaddad ki jannat
Ilahi ki raza se chahiye thi
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں