سڑک کے دونوں طرف خیرت ہے — نعمان شوق
شاعر
سڑک کے دونوں طرف خیرت ہے
آسمان کے ایک کنارے سے
دوسرے کنارے تک اڑ رہی ہے
رنگ برنگی موت
پتنگوں کی طرح بل کھاتی ہوئی
جس کی ڈور
گلی کے منچلے لڑکوں کے ہاتھوں میں ہے
بکھرتے چاند کی
ادھ جلی پرچھائیں سے بنے رتھ پر سوار
جھومتے ہوئے آتے ہیں آوارہ کتے
جو بھونکتے ہیں
کبھی دھیمی اور کبھی تیز آواز میں
سمجھ دار لوگ
کھڑے ہو جاتے ہیں سڑک کے دونوں طرف
سر جھکا کر
نعمان شوق
Sadak ke donon taraf khairiyat hai
Aasmaan ke ek kinare se
Doosre kinare tak ud rahi hai
Rang birangi maut
Patangon ki tarah bal khati hui
Jis ki dor
Gali ke manchale ladkon ke hathon mein hai
Bikhartay chaand ki
Adh-jali parchhaiyon se bane rath par sawar
Jhoomte hue aate hain awarah kutte
Jo bhonkte hain
Kabhi dheemi aur kabhi tez awaaz mein
Samajhdar log
Khade ho jate hain sadak ke donon taraf
Sar jhuka kar
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں