بھیک — نعمان شوق
شاعر
بھیک
کسی مندر کی گھنٹی سے
ڈرا سہما ہوا بھگوان
اک ٹوٹے ہوئے ویران گھر میں جا چھپے گا
اور پجاری
خون میں ڈوبے ہوئے ترشول لے کر
دیویوں اور دیوتاؤں کو پکاریں گے
صلیبیں بھی سبھی خالی ملیں گی
ہر طرف گرجا گھروں میں
کیوں کہ سب معصوم طینت لوگ
گلی کے موڑ پر سولی سے لٹکے
دعائے مغفرت میں ہر گھڑی مصروف ہوں گے
قاتلوں کے واسطے
اذانوں میں
خدائے پاک کے ہر ذکر کے بدلے
شاید کسی قہار یا جبار کی
حمد و ثنا ہوگی
ہم اپنی عاقبت کی بھیک مانگیں گے
خدا کے نیک بندوں سے
نعمان شوق
Bheek
Kisi mandir ki ghanti se
Dara sehma hua Bhagwan
Ek toote hue veeran ghar mein ja chhupega
Aur pujari
Khoon mein doobe hue trishool le kar
Deviyon aur devtaon ko pukarenge
Saleebein bhi sabhi khaali milengi
Har taraf girja gharon mein
Kyun ke sab masoom teenat log
Gali ke mod par sooli se latke
Dua-e-maghfirat mein har ghadi masroof honge
Qatilon ke waaste
Azanon mein
Khuday-e-pak ke har zikr ke badle
Shayad kisi qahhar ya jabbar ki
Hamd-o-sana hogi
Hum apni aaqibat ki bheek maangein ge
Khuda ke nek bandon se
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں