کتھارسس — نعمان شوق
شاعر
کتھارسس
ہم انہیں پالتے ہیں
اپنے بچوں کی طرح
اپنا خون پلا کر
اپنے حصے کا رزق کھلا کر
انہیں سیر کراتے ہیں
میلے ٹھیلے اور بازاروں کی
اپنی انگلی تھما کر
کبھی انہیں
رزق برق لباس پہنا کر
چھوڑ دیتے ہیں گھنے جنگل میں
بے تحاشہ رقص کرنے کے لیے
کبھی کہتے ہیں
ندی کے کنارے پھسلن بھری ڈھلان پر
دوڑ کر تتلیاں پکڑنے کو
اور قہقہے لگاتے ہیں
ان کے گر جانے پر
کبھی انہیں کہتے ہیں
چاند کی بنجر زمین پر
گلاب کی کاشت کرنے کے لیے
اور پھر سوگوار ہونے کا ڈھونگ کرتے ہیں
ان کی محرومیوں پر
اور جب اکتا جاتے ہیں
اس کھیل سے
برف کے سفید کفن میں لپیٹ کر
رات کے ہیبت ناک اندھیارے کی قبر میں
سلا دیتے ہیں اپنی خواہشوں کو
ہمیشہ کے لیے
اور لطیفے سنانے لگتے ہیں
دوستوں کو
نعمان شوق
Catharsis
Hum unhein paalte hain
Apne bachchon ki tarah
Apna khoon pila kar
Apne hisse ka rizq khila kar
Unhein sair karate hain
Mele thele aur bazaaron ki
Apni ungli thama kar
Kabhi unhein
Razzaq barq libaas pehna kar
Chhod dete hain ghane jungle mein
Be-tahasha raqs karne ke liye
Kabhi kehte hain
Nadi ke kinare phislan bhari dhalaan par
Daud kar titliyan pakadne ko
Aur qahqahe lagate hain
Un ke gir jaane par
Kabhi unhein kehte hain
Chaand ki banjar zameen par
Gulab ki kaasht karne ke liye
Aur phir sogwaar hone ka dhong karte hain
Un ki mahroomiyon par
Aur jab ukta jate hain
Is khel se
Barf ke safed kafan mein lapet kar
Raat ke haibat naak andhiyare ki qabr mein
Sula dete hain apni khwahishon ko
Hamesha ke liye
Aur latifay sunane lagte hain
Doston ko
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں