عام معافی کے لیے — نعمان شوق
شاعر
عام معافی کے لیے
بین کرتی عورتوں سے
ہم پوچھ رہے ہیں میرؔ کے شعر کا مطلب
بے گھر بھونروں سے کہہ رہے ہیں
شکنتلا کو رجھانے کے لیے
لو بھری دوپہر میں
کوکنے کا تقاضہ کر رہے ہیں کوئل سے
اس مشکل وقت میں
کچھ لوگ کہہ رہے ہیں ہم سے
اپنی وفاداری ثابت کرنے کے لیے
ایک ٹوٹے ہوئے برتن کو
چاک سے وفاداری ثابت کرنے کے لیے
کچھ لوگ تالیاں بجا رہے ہیں
کچھ حیران ہو کر دیکھ رہے ہیں
ان کی اور ہماری شکل
یہ معصوم ہیں
انہیں معاف کر دینا میرے خدا
اور ممکن ہو تو ہمیں بھی
کہ ہم جی رہے ہیں
اس مشکل وقت میں بھی
نعمان شوق
Aam mu'afi ke liye
Bain karti auraton se
Hum poochh rahe hain Meer ke sher ka matlab
Be-ghar bhonwaron se keh rahe hain
Shakuntala ko rijhane ke liye
Loo bhari dopahar mein
Kookne ka taqaza kar rahe hain koyal se
Is mushkil waqt mein
Kuch log keh rahe hain hum se
Apni wafadari sabit karne ke liye
Ek toote hue bartan ko
Chaak se wafadari sabit karne ke liye
Kuch log taliyan baja rahe hain
Kuch hairan ho kar dekh rahe hain
Un ki aur hamari shakal
Yeh masoom hain
Unhein mu'aaf kar dena mere Khuda
Aur mumkin ho to hamein bhi
Ke hum jee rahe hain
Is mushkil waqt mein bhi
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں