آنکھوں کو آنسوؤں کی ضرورت ہے آج بھی — نعمان شوق
شاعر
آنکھوں کو آنسوؤں کی ضرورت ہے آج بھی
آنکھوں کو آنسوؤں کی ضرورت ہے آج بھی
جتنی بھی رہ گئی ہے محبت ہے آج بھی
سازش کی ایک شام بجھائے گئے تھے ہم
لیکن دیوں کو طاق سے نسبت ہے آج بھی
کچھ بھی سنبھال پائے نہ ہم تنگ دست لوگ
یہ خاکدان جسم ہی دولت ہے آج بھی
ایسے نمازیوں کا وضو بھی نہ کر قبول
یا رب دلوں میں کتنی کدورت ہے آج بھی
لیکن تمہارے حسن کا نعم البدل کہاں
دل میں تو بے حساب محبت ہے آج بھی
تعلیم دے رہا ہوں محبت کی جسم کو
مشکل یہ ہے کہ روح کی صحبت ہے آج بھی
انسان بن کے بیٹھا ہے ہر آدمی نما
دنیا پہ اک خیال کی دہشت ہے آج بھی
نعمان شوق
Aankhon ko aansuon ki zaroorat hai aaj bhi
Aankhon ko aansuon ki zaroorat hai aaj bhi
Jitni bhi reh gayi hai mohabbat hai aaj bhi
Saazish ki ek shaam bujhaye gaye the hum
Lekin deewon ko taaq se nisbat hai aaj bhi
Kuchh bhi sambhal paaye na hum tang-dast log
Yeh khaakdaan-e-jism hi daulat hai aaj bhi
Aise namaziyon ka wazu bhi na kar qabool
Ya rab dilon mein kitni kudurat hai aaj bhi
Lekin tumhare husn ka na'm-ul-badal kahan
Dil mein to be-hisab mohabbat hai aaj bhi
Taleem de raha hoon mohabbat ki jism ko
Mushkil yeh hai keh rooh ki sohbat hai aaj bhi
Insaan ban ke baitha hai har aadmi numa
Duniya pe ek khayal ki dehshat hai aaj bhi
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں