آٹھوں پہر کا یہ ترا مزدور آ گیا — نعمان شوق
شاعر
آٹھوں پہر کا یہ ترا مزدور آ گیا
آٹھوں پہر کا یہ ترا مزدور آ گیا
جنت کے دوار کھول مری حور آ گیا
پیغمبری کا دعویٰ نہیں عاشقی کا ہے
پتھر نہ ماریے جو سر طور آ گیا
سب نے سنی جو رات کی للکار ڈر گئے
سینہ تھا جس کا نور سے معمور آ گیا
آغوش اس کی ایسی پرانی شراب تھی
نشے میں خواہشوں کے بہت دور آ گیا
بستہ اٹھائیے کہ یہ مکتب نہیں ہے وہ
بستی بدل گئی نیا دستور آ گیا
کیا چاہئے غلام کو بس اک نظر کی بھیک
شرطیں تمام آپ کی منظور آ گیا
نعمان شوق
Aathon pehar ka ye tera mazdoor aa gaya
Aathon pehar ka ye tera mazdoor aa gaya
Jannat ke dwaar khol meri hoor aa gaya
Paighambari ka dawa nahin aashiqi ka hai
Patthar na mariye jo sar-e-toor aa gaya
Sab ne suni jo raat ki lalkaar dar gaye
Seena tha jis ka noor se mamoor aa gaya
Aaghosh uski aisi purani sharab thi
Nashay mein khwahishon ke bahut door aa gaya
Basta uthaiye ke ye maktab nahin hai woh
Basti badal gayi naya dastoor aa gaya
Kya chahiye ghulam ko bas ik nazar ki bheekh
Shartain tamaam aap ki manzoor aa gaya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں