اب ایسی ویسی محبت کو کیا سنبھالوں میں — نعمان شوق
شاعر
اب ایسی ویسی محبت کو کیا سنبھالوں میں
اب ایسی ویسی محبت کو کیا سنبھالوں میں
یہ خار و خس کا بدن پھونک ہی نہ ڈالوں میں
گر ایک دل سے نہیں بھرتا میرے یار کا دل
تو اک بدن میں بھلا کتنے سانپ پالوں میں
نہ قبر کی ہے جگہ شہر میں نہ مسجد کی
بتاؤ روح کے کانٹے کہاں نکالوں میں
صداقتوں پہ برا وقت آنے والا ہے
اب اس کے کانپتے ہاتھوں سے آئینہ لوں میں
کئی زمانے مرا انتظار کرتے ہیں
زمیں رکے تو کوئی راستا نکالوں میں
میں آنکھ کھول کے چلنے کی لت نہ چھوڑ سکا
نہیں تو ایک نہ اک روز خود کو پا لوں میں
ہزار زخم ملے ہیں مگر نہیں ملتا
وہ ایک سنگ جسے آئنہ بنا لوں میں
سنو میں ہجر میں قائل نہیں ہوں رونے کا
کہو تو جشن یہ اپنی طرح منا لوں میں
نعمان شوق
Ab aisi waisi mohabbat ko kya sambhalun main
Ab aisi waisi mohabbat ko kya sambhalun main
Yeh khaar-o-khas ka badan phoonk hi na dalun main
Gar ek dil se nahin bharta mere yaar ka dil
To ek badan mein bhala kitne saap palun main
Na qabr ki hai jagah shahar mein na masjid ki
Batao rooh ke kaante kahan nikalun main
Sadaqaton pe bura waqt aane wala hai
Ab us ke kanpte hathon se aaina lun main
Kayi zamane mera intezar karte hain
Zameen ruke to koi raasta nikalun main
Main aankh khol ke chalne ki lat na chhod saka
Nahin to ek na ek roz khud ko pa lun main
Hazar zakhm mile hain magar nahin milta
Wo ek sang jise aaina bana lun main
Suno main hijr mein qaayil nahin hun rone ka
Kaho to jashn yeh apni tarah mana lun main
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں