اپنے تیور سے جو کر دیتا ہے سب کو لا کلام — نعمان شوق
شاعر
اپنے تیور سے جو کر دیتا ہے سب کو لا کلام
اپنے تیور سے جو کر دیتا ہے سب کو لا کلام
اس کی خدمت میں کروں گا پیش آج اپنا کلام
شہر میں کوئی مجھے پہچان ہی پاتا نہیں
اور صحرا میں کسی سے میں نہیں کرتا کلام
میری خاموشی کی محفل میں کوئی تو داد دے
ہے کوئی میرے سوا جو کہہ سکے ایسا کلام
ہم برے لوگوں کی صحبت نے کیا اس کو خراب
وہ بھی تنہائی میں دہراتا رہا اپنا کلام
مختلف انداز کی شادی ہے یہ باراتیو
پھول سی زندہ زمیں اور زہر سا سچا کلام
سارے جذبوں کے دکاںداروں کی جیبیں بھر گئیں
بک گیا بازار میں جتنا بھی تھا سستا کلام
نعمان شوق
Apne tevar se jo kar deta hai sab ko la kalaam
Apne tevar se jo kar deta hai sab ko la kalaam
Uski khidmat mein karunga pesh aaj apna kalaam
Shehar mein koi mujhe pehchan hi pata nahin
Aur sehra mein kisi se main nahin karta kalaam
Meri khamoshi ki mehfil mein koi to daad de
Hai koi mere siwa jo keh sake aisa kalaam
Hum bure logon ki sohbat ne kiya usko kharab
Woh bhi tanhai mein dohrata raha apna kalaam
Mukhtalif andaaz ki shaadi hai ye baraatiyon
Phool si zinda zameen aur zehar sa sachcha kalaam
Saare jazbon ke dukandaron ki jebein bhar gayeen
Bik gaya bazaar mein jitna bhi tha sasta kalaam
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں