بدن بدن کی ضرورت سے مار ڈالا گیا — نعمان شوق
شاعر
بدن بدن کی ضرورت سے مار ڈالا گیا
بدن بدن کی ضرورت سے مار ڈالا گیا
جو بچ رہا وہ محبت سے مار ڈالا گیا
نہ تتلیوں سے تھا خطرہ نہ جگنوؤں سے خوف
ہمیں تو خیر شرارت سے مار ڈالا گیا
جو گرد آنے نہ دیتے تھے اپنے کپڑوں تک
انہیں بھی کیسی نفاست سے مار ڈالا گیا
خدائے حسن خرابی اسی نظر میں تھی
اک آئنہ مری حیرت سے مار ڈالا گیا
تمام زور خطابت خلاف تھا اپنے
عدو کے علم کی طاقت سے مار ڈالا گیا
اک اور شخص مرے دوستوں کے اندر تھا
اسے تھپک کے محبت سے مار ڈالا گیا
کئی گواہ بھی کم آپ کو سزا کے لیے
ہمیں تو ایک شہادت سے مار ڈالا گیا
نعمان شوق
Badan badan ki zarurat se maar Daala gaya
Badan badan ki zarurat se maar Daala gaya
Jo bach raha woh mohabbat se maar Daala gaya
Na titliyon se tha khatra na jugnuon se khauf
Hamein to khair shararat se maar Daala gaya
Jo gard aane na dete the apne kapDon tak
Unhein bhi kaisi nafasat se maar Daala gaya
Khudaye husn kharabi isi nazar mein thi
Ek aaina meri hairat se maar Daala gaya
Tamaam zor-e-khitabat khilaf tha apne
Adu ke ilm ki taaqat se maar Daala gaya
Ek aur shakhs mere doston ke andar tha
Use thapak ke mohabbat se maar Daala gaya
Kai gawah bhi kam aap ko saza ke liye
Hamein to ek shahadat se maar Daala gaya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں