بدن چراغ نہیں ہیں محبتیں اپنی — نعمان شوق
شاعر
بدن چراغ نہیں ہیں محبتیں اپنی
بدن چراغ نہیں ہیں محبتیں اپنی
مگر یہ لو کو بڑھاتی ضرورتیں اپنی
تمام حق کے طرفدار چاروں خانے چت
کوئی سنبھال نہ پایا صداقتیں اپنی
بدل نہ لیں کہیں رستہ یہ آگ کی لپٹیں
ہمیں ہی راکھ نہ کر دیں یہ نفرتیں اپنی
اب اس سے روبرو ہونے میں کچھ نہیں رکھا
بلا کے نقش بناتی ہیں وحشتیں اپنی
سمیٹ اپنے ستاروں کو آسماں والے
بجھا کے چھوڑ گئیں جن کو حسرتیں اپنی
کدھر سے آتی ہے جانے یہ خواب ناک صدا
تو کم نہ ہوں گی کبھی کیا مسافتیں اپنی
نعمان شوق
Badan charaagh nahin hain mohabbatein apni
Badan charaagh nahin hain mohabbatein apni
Magar ye lau ko baDhaati zarooratein apni
Tamaam haq ke tarafdaar chaaron khaane chit
Koi sambhaal na paaya sadaaqatein apni
Badal na lein kahin rasta ye aag ki lipTein
Hamein hi raakh na kar dein ye nafratein apni
Ab us se ru-ba-ru hone mein kuchh nahin rakha
Bula ke naqsh banaati hain wahshatein apni
SameT apne sitaaron ko aasmaan waale
Bujha ke chhoD gaeen jin ko hasratein apni
Kidhar se aati hai jaane ye khwab-naak sada
To kam na hon gi kabhi kya masaafatein apni
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں