باہر نکل کے دیکھیے طوفان کم ہوا — نعمان شوق
شاعر
باہر نکل کے دیکھیے طوفان کم ہوا
باہر نکل کے دیکھیے طوفان کم ہوا
مت روئیے جناب کا نقصان کم ہوا
سادہ دلی میں جان گنوانی پڑی ہمیں
سب جھوٹ کہہ رہے تھے کہ ہیجان کم ہوا
ہم اشتہار والے نہیں شعر والے تھے
محنت زیادہ کی گئی اعلان کم ہوا
ہم تو تمہارے ہجر میں مر ہی گئے تھے یار
وارفتگی نہیں تھی سو نقصان کم ہوا
تیرا پتہ سنبھال کے رکھا یہ چال تھی
میں اپنی جستجو میں پریشان کم ہوا
صحت کا غسل کر کے کیا عشق زیب تن
یعنی بدن کی موت پہ ایمان کم ہوا
نعمان شوق
Bahar nikal ke dekhiye toofan kam hua
Bahar nikal ke dekhiye toofan kam hua
Mat roiye janab ka nuqsan kam hua
Saada dili mein jaan ganwani padi hamein
Sab jhoot keh rahe the ke hejaan kam hua
Hum ishtehar wale nahin sher wale the
Mehnat zyada ki gayi elaan kam hua
Hum to tumhare hijr mein mar hi gaye the yaar
Warfatgi nahin thi so nuqsan kam hua
Tera pata sambhaal ke rakha ye chaal thi
Main apni justaju mein pareshan kam hua
Sehat ka ghusl kar ke kiya ishq zeb-e-tan
Yaani badan ki maut pe imaan kam hua
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں