برسوں پرانے زخم کو بے کار کر دیا — نعمان شوق
شاعر
برسوں پرانے زخم کو بے کار کر دیا
برسوں پرانے زخم کو بے کار کر دیا
ہم نے ترا جواب بھی تیار کر دیا
طوق بدن اتار کے پھینکا زمیں سے دور
دنیا کے ساتھ چلنے سے انکار کر دیا
خود ہی دکھائے خواب بھی توسیع شہر کے
جنگل کو خود ہی چیخ کے ہشیار کر دیا
جمہوریت کے بیچ پھنسی اقلیت تھا دل
موقعہ جسے جدھر سے ملا وار کر دیا
آئے تھے کچھ ستارے تری روشنی کے ساتھ
ہم اپنے ہی نشے میں تھے انکار کر دیا
وہ نیند تھی کہ موت مجھے کچھ پتہ نہیں
گہرے گھنے سکوت نے بیدار کر دیا
ہم آئینے کے سامنے آئے تو رو پڑے
اس نے سجا سنوار کے بے کار کر دیا
نعمان شوق
Barson purane zakhm ko bekar kar diya
Barson purane zakhm ko bekar kar diya
Hum ne tera jawab bhi taiyar kar diya
Tauq-e-badan utaar ke phenka zameen se dur
Duniya ke saath chalne se inkaar kar diya
Khud hi dikhaye khwab bhi tauzee-e-shahar ke
Jungle ko khud hi cheekh ke hoshiyar kar diya
Jamhooriyat ke beech phansi aqalliyat tha dil
Mauqa jise jidhar se mila waar kar diya
Aaye the kuch sitare teri roshni ke saath
Hum apne hi nashe mein the inkaar kar diya
Wo neend thi ke maut mujhe kuch pata nahin
Gehre ghane sukoot ne bedaar kar diya
Hum aaine ke samne aaye to ro pade
Us ne saja sanwaar ke bekar kar diya
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں