بتاؤں کیسے کہ سچ بولنا ضروری ہے — نعمان شوق
شاعر
بتاؤں کیسے کہ سچ بولنا ضروری ہے
بتاؤں کیسے کہ سچ بولنا ضروری ہے
تعلقات میں یہ تجربہ ضروری ہے
نظر ہٹا بھی تو سکتی ہے کم نظر دنیا
وہیں ہے بھیڑ جہاں تخلیہ ضروری ہے
ترے بغیر کوئی اور عشق ہو کیسے
کہ مشرکوں کے لیے بھی خدا ضروری ہے
نہیں تو شہر یہ سو جائے گا سدا کے لیے
مجھے خبر ہے مرا بولنا ضروری ہے
کسی کو ہوتا نہیں یوں محبتوں کا یقیں
چراغ بجھ کے بتائے ہوا ضروری ہے
میں خود کو بھولتا جاتا ہوں اور ایسے میں
ترا پکارتے رہنا بڑا ضروری ہے
وہ میری روح کی آواز سن رہا ہوگا
بدن رہے نہ رہے رابطہ ضروری ہے
نعمان شوق
Bataun kaise ke sach bolna zaroori hai
Bataun kaise ke sach bolna zaroori hai
Taluqat mein yeh tajruba zaroori hai
Nazar hata bhi to sakti hai kam-nazar duniya
Wahin hai bheed jahan takhliya zaroori hai
Tere baghair koi aur ishq ho kaise
Ke mushrikon ke liye bhi Khuda zaroori hai
Nahin to shahar yeh so jaayega sada ke liye
Mujhe khabar hai mera bolna zaroori hai
Kisi ko hota nahin yun mohabbaton ka yaqeen
Charagh bujh ke bataye hawa zaroori hai
Main khud ko bhoolta jata hun aur aise mein
Tera pukarte rehna bada zaroori hai
Wo meri rooh ki awaz sun raha hoga
Badan rahe na rahe raabta zaroori hai
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں