بھرے ہوئے ہیں ابھی روشنی کی دولت سے — نعمان شوق
شاعر
بھرے ہوئے ہیں ابھی روشنی کی دولت سے
بھرے ہوئے ہیں ابھی روشنی کی دولت سے
دیئے جلائیں گے ہم بھی مگر ضرورت سے
بہت سے خواب حقیقت میں دل نواز نہ تھے
بہت سے لوگ چلے آ رہے ہیں جنت سے
اسی نگاہ سے پھر تم نے مجھ کو دیکھ لیا
بدن اتار کر آیا تھا کتنی محنت سے
یہی کہ تو بڑا خوش حال ہے خداوندا
ذرا پتہ نہیں چلتا جہاں کی حالت سے
چمکتے چاند ستاروں کو دفن کر آئے
بجھے چراغ کو رکھا گیا حفاظت سے
بدن کے طاق میں جلتے ہیں بس بدن کے دیپ
یہ روشنی ہے بہت کم مری ضرورت سے
پھر اس مذاق کو جمہوریت کا نام دیا
ہمیں ڈرانے لگے وہ ہماری طاقت سے
نعمان شوق
Bhare hue hain abhi roshni ki daulat se
Bhare hue hain abhi roshni ki daulat se
Diye jalayenge hum bhi magar zarurat se
Bahut se khwab haqiqat mein dil nawaz na the
Bahut se log chale aa rahe hain jannat se
Isi nigah se phir tum ne mujh ko dekh liya
Badan utar kar aaya tha kitni mehnat se
Yehi ke tu bada khush haal hai khuda-vanda
Zara pata nahin chalta jahan ki halat se
Chamakte chand sitaron ko dafn kar aaye
Bujhe chiragh ko rakha gaya hifazat se
Badan ke taaq mein jalte hain bas badan ke deep
Yeh roshni hai bahut kam meri zarurat se
Phir is mazaq ko jamhuriyat ka naam diya
Hamein darane lage woh hamari taqat se
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں