چاہے بے نور ہوں آنکھوں سے بھی خوش ہوتے ہیں — نعمان شوق
شاعر
چاہے بے نور ہوں آنکھوں سے بھی خوش ہوتے ہیں
چاہے بے نور ہوں آنکھوں سے بھی خوش ہوتے ہیں
ہم تو بوجہل کے فتووں سے بھی خوش ہوتے ہیں
یہ سجاوٹ کے جو بازار ہیں بے کار نہیں
ہوں گے کچھ لوگ جو چہروں سے بھی خوش ہوتے ہیں
ہر نیا لمحہ تعاقب میں ہے تعبیروں کی
ہم وہ جاگے ہیں جو خوابوں سے بھی خوش ہوتے ہیں
ایسے ہی پھوٹ کے روئے گا کوئی ان کے لئے
لوگ مجبور کے نالوں سے بھی خوش ہوتے ہیں
یہ جو ہر روز کا مرنا ہے مصیبت ہے یہی
یار ہم جیسے تو زخموں سے بھی خوش ہوتے ہیں
کوئی ہے جو تری اوقات بتاتا ہے تجھے
اب تو ہم آئنے والوں سے بھی خوش ہوتے ہیں
مشک والے بھی چلے آتے ہیں بھولے بھٹکے
یہ جو صوفی ہیں غزالوں سے بھی خوش ہوتے ہیں
نعمان شوق
Chaahe be-noor hon aankhon se bhi khush hote hain
Chaahe be-noor hon aankhon se bhi khush hote hain
Ham to bojhal ke fatwon se bhi khush hote hain
Ye sajawat ke jo bazaar hain bekaar nahin
Honge kuchh log jo chehron se bhi khush hote hain
Har naya lamha taaqub mein hai tabeeron ki
Ham wo jaage hain jo khwabon se bhi khush hote hain
Aise hi phoot ke roye ga koi in ke liye
Log majboor ke nalon se bhi khush hote hain
Ye jo har roz ka marna hai museebat hai yahi
Yaar hum jaise to zakhmon se bhi khush hote hain
Koi hai jo teri auqaat batata hai tujhe
Ab to hum aane walon se bhi khush hote hain
Mushk wale bhi chale aate hain bhoole bhatke
Ye jo sufi hain ghazalon se bhi khush hote hain
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں