چمک جو اب کے بڑھی ہے سراب میں کچھ اور — نعمان شوق
شاعر
چمک جو اب کے بڑھی ہے سراب میں کچھ اور
چمک جو اب کے بڑھی ہے سراب میں کچھ اور
اضافہ ہونا ہے شاید عذاب میں کچھ اور
مزاج خوشبو کا میری سمجھ سے باہر ہے
وہ ہر سنگار میں کچھ ہے گلاب میں کچھ اور
ہماری نسل محبت کی بات کیا جانے
ہمیں پڑھایا گیا ہے نصاب میں کچھ اور
جو زرد پتے ملے ہیں وہی غنیمت ہیں
کہو ہوا سے کہ دیکھے نہ خواب میں کچھ اور
وہ میرے نام اک اک سانس کرنے والا تھا
لکھا ہوا ہے مگر انتساب میں کچھ اور
نعمان شوق
Chamak jo ab ke badhi hai sarab mein kuchh aur
Chamak jo ab ke badhi hai sarab mein kuchh aur
Izaafa hona hai shayad azaab mein kuchh aur
Mizaaj khushboo ka meri samajh se bahar hai
Woh har singaar mein kuchh hai gulab mein kuchh aur
Hamari nasal mohabbat ki baat kya jaane
Hamein padhaya gaya hai nisaab mein kuchh aur
Jo zard patte mile hain wohi ghaneemat hain
Kaho hawa se keh dekhe na khwab mein kuchh aur
Woh mere naam ik ik saans karne wala tha
Likha hua hai magar intisaab mein kuchh aur
شاعر کے بارے میں
نعمان شوق (پیدائش: 2 جولائی 1965ء، آرا ضلع بھوجپور، بہار، بھارت) اردو کے اہم معاصر شعرا میں شمار ہوتے ہیں، جو اپنے منفرد اور مابعد جدید اسلوب کے با...
مکمل تعارف پڑھیں